یانگون : میانمارمیں فوجی آمریت کی گرفت کمزور پڑ گئی ،پچیس سال بعد ہونے والے عام انتخابات میں انگ سان سوچی کی جماعت کو واضح اکثریت حاصل ہوگئی ۔
میانمار کے عام انتخابات کے ابتدائی نتائج کے مطابق نوبل انعام یافتہ انگ سان سوچی کی جماعت نیشنل لیگ فار ڈیموکریسی کو کامیابی حاصل ہوئی ہے۔
انگ سان سوچی نے چارریاستوں میں تمام نشستوں پر کامیابی کا دعوی کیا ہے تاہم چھ ریاستوں کے نتائج کا اعلان نہیں کیا گیا۔
امکان ہے کہ آنگ سان سوچی کی جماعت کو واضح اکثریت حاصل ہوگی تاہم ملک کےآئین کے تحت سوچی کو صدر بننے کے لیے رکاوٹ کا سامنا ہے۔
میانمار میں کئی دہائیوں تک فوجی حکومت رہی جبکہ اس سے قبل کے تمام انتخابات بھی فوج ہی کی نگرانی میں کرائے گئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں