The news is by your side.

Advertisement

لاہور میں ایک اور ڈاکٹر کی پر اسرار موت

لاہور: لاہور میں ایک اور ڈاکٹر پر اسرار طور پر موت کی وادی میں چلے گئے ہیں، ڈاکٹر احسان اللہ جناح اسپتال کے ہاسٹل میں رہائش پزیر تھے۔

پولیس ذرائع کے مطابق ڈاکٹر احسان اللہ اپنے کمرے میں مردہ حالت میں پائے گئے، وہ جناح اسپتال کے ہاسٹل میں رہائش پذیر تھے اور جناح اسپتال کے برن یونٹ میں اپنے فرائض سرانجام دیتے تھے۔

پولیس کے مطابق ڈاکٹر احسان اللہ کی لاش کو پوسٹ مارٹم کے لیے مردہ خانے منتقل کردیا گیا ہے، پوسٹ مارٹم رپورٹ آنے کے بعد موت کی اصل وجہ سامنے آئے گی۔

اس سے قبل گذشتہ ماہ کی اٹھائیس تاریخ کو سروسزاسپتال لاہور کے ہاسٹل سے اے ایم ایس ڈاکٹر حسن پر اسرار طور پر اپنےکمرے میں مردہ پائے گئے تھے۔

یہ بھی پڑھیں:  سروسز اسپتال لاہور کے اے ایم ایس کی پر اسرار ہلاکت

اسپتال انتظامیہ کی جانب سے جاری بیان کے مطابق سروسز اسپتال کےہاسٹل سے اے ایم ایس کی لاش ملی ہے، اے ایم ایس ڈاکٹر حسن پر اسرار طورپر اپنےکمرے میں مردہ پائے گئے۔

اسپتال انتظامیہ نے بتایا کہ واقعے کی اطلاع ملنے پر ڈاکٹرحسن کو فوری طور پر سروسز اسپتال کی ایمرجنسی میں لےجایاگیا، جس وقت انہیں اسپتال منتقل کیا گیا تو ان کے منہ سے خون نکل رہا تھا، ڈاکٹرحسن سروسز اسپتال میں بطور اے ایم ایس کام کررہےتھے۔

Comments

یہ بھی پڑھیں