site
stats
حیرت انگیز

چاندنی رات میں باغ میں چہل قدمی کرنے والا کون تھا؟

پورے چاند کی رات جہاں نہایت سحر انگیز ہوتی ہے وہیں وہ غیر معمولی اور مافوق الفطرت واقعات و اشیا کو ظاہر کرنے کا سبب بھی بن جاتی ہے۔

ایسی ہی ایک پورے چاند کی تصویر نے لوگوں کو خوف میں مبتلا کردیا ہے جس میں چاند کے سامنے سے ’کوئی‘ گزرتا ہوا نظر آرہا ہے۔

سماجی رابطوں کی ویب سائٹ ریڈٹ پر ایک صارف نے پراسرار سی تصاویر پوسٹ کی ہیں جن میں چاند کی روشنی میں کوئی غیر معمولی شے تیزی سے گزرتی ہوئی نظر آرہی ہے۔

تصویر دراصل پورے چاند اور رات کے منظر کی ہے جس میں ایک باغ اور درخت بھی موجود ہے اور اس تصویر میں کوئی غیر معمولی چیز نہیں۔

moon-2

لیکن اگلے ہی لمحے لی جانے والی تصویر میں ایک غیر معمولی شے موجود ہے جو بظاہر کوئی پستہ قد شخصیت لگ رہی ہے۔ اس کا قد کسی بچے جتنا ہے لیکن اس کی ہیئت نہایت عجیب و غریب اور دیکھنے میں خوفناک لگ رہی ہے۔

moon-3

حیرت کی بات یہ ہے کہ دونوں تصاویر کھینچنے کے درمیان بمشکل 2 سیکنڈز کا وقفہ ہے اور اس مختصر وقفے میں کم از کم کوئی انسان اس تیزی سے گزر کر نہیں جاسکتا۔

صرف یہی نہیں بلکہ تصویر کھینچنے والے کا کہنا ہے کہ اسے تصویر کھینچتے ہوئے باغ میں ایسی کوئی شے نظر نہیں آئی لیکن جب بعد میں اس نے تصویر کو دیکھا تو اسے پتہ چلا کہ اس نے کسی اجنبی کو بھی عکس بند کرلیا ہے۔

اس صارف نے یہ تصاویر پوسٹ کرتے ہوئے یقین دہانی کروائی کہ نہ تو اس نے تصویر کو فوٹو شاپ کیا اور نہ ہی تصویر کھینچتے ہوئے اس کے کیمرے کے لینس پر دھول تھی جس کے باعث تصویر دھندلی ہوگئی۔

پورے چاند کی رات میں مٹر گشت کرتا ہوا وہ کون تھا؟ یہ تو تعین نہ کیا جاسکا تاہم انٹرنیٹ پر آنے کے بعد یہ تصویر لوگوں کے لیے خوف کا باعث بن چکی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top