کراچی : کراچی کے علاقے کیماڑی ٹاؤن کے علی محمد گوٹھ ایک اور بچہ انتقال کرگیا، جس کے بعد مرنے والوں کی تعداد 19 ہوگئی۔
تفصیلات کے مطابق کراچی کے علاقے کیماڑی ٹاؤن کے علی محمد گوٹھ میں بچوں کی پُراسرار بیماری سے اموات کا سلسلہ نہ رک سکا۔
علی محمد گوٹھ میں ایک اور بچہ انتقال کرگیا، جس کے بعد مرنے والوں کی تعداد 19 ہوگئی۔
انتقال کر جانے والا3سالہ عبدالحلیم چند روز سے بیمار تھا ، علاقےمیں بچوں کی اموات کی حتمی وجہ کا تاحال نہ کیاجا سکا۔
محکمہ صحت کا کہنا ہے کہ بچے کے پوسٹ مارٹم کا فیصلہ لواحقین کی اجازت سے کیا جائے گا۔
بعد ازان کیماڑی علی محمد گوٹھ میں آج انتقال کرنے والے بچے کی لاش پوسٹ مارٹم کے لئے سول اسپتال منتقل کردی گئی ہے ، اس موقع پر پولیس اور محکمہ صحت کے حکام علاقےمیں موجود ہے۔
