ریاض: سعودی شہر طائف میں آنے والے سیلابی ریلے میں پراسرار طور پر ہزاروں مچھلیاں بھی دیکھی گئی ہیں۔
عرب میڈیا کی رپورٹ کے مطابق سیلاب میں یہ مچھلیاں کہاں سے آئیں یہ اب تک واضح نہیں ہوسکا، لوگوں کا ماننا ہے کہ طائف کے علاقے میں فش فارم بھی قائم ہیں ممکنہ طور پر مچھلیاں وہاں سے نکل گئی ہوں۔
رپورٹ میں بتایا گیا کہ السیل الکبیر علاقے میں آنے والے سیلابی ریلے میں مچھلیاں نظر آئیں، سوشل میڈیا میں مچھلیوں کی تصاویر اور ویڈیو شیئر ہو رہی ہیں۔
🎥فيديو| ظهور أسماك في مياه سيول #أمطار_الطائف
تفاصيل↓https://t.co/Wwqm8R3Uj7#الطائف_الآن pic.twitter.com/6xWXAdnRHo
— صحيفة المناطق (@AlMnatiq) January 12, 2022
ادھر طائف میونسپلٹی کا کہنا ہے کہ موسلادھار بارشوں کی وجہ سے مذکورہ علاقے میں سیلابی کیفیت پیدا ہوئی، انٹرنیٹ پر مچھلیوں کی ویڈیو وائرل ہونے پر واقعے کا جائزہ لے رہے ہیں۔
میونسپلٹی نے کہا سیلابی ریلے میں پائی جانے والی مچھلیوں کے قابل استعمال ہونے کا جائزہ لے رہے ہیں اگر یہ حفظان صحت کے اصولوں کے خلاف ہوا تو شہریوں کو ایسی مچھلیاں نہ کھانے کی ہدایت کی جائے گی۔
مقامی رہائشیوں کا کہنا تھا کہ قریبی علاقے میں مچھلیوں کے متعدد فارم ہیں جہاں سے سیلاب کی وجہ سے مچھلیاں بہہ گئی ہوں گی۔