The news is by your side.

Advertisement

شمالی کوریا میں کرونا بے قابو، فوج تعینات

پیناگ یانگ: شمالی کوریا میں کرونا وبا کے سائے گہرے ہونے لگے، سربراہ کم جانگ اُن نے صورتحال پر قابو پانے کے لیے فوج تعینات کردی۔

غیر ملکی میڈیا کے مطابق شمالی کوریا میں کرونا کیسز کی تعداد 3 لاکھ 92 ہزار تک پہنچ گئی ہے جبکہ 8 افراد ہلاک بھی ہوچکے ہیں، کورونا کے بڑھتے کیسز کے پیش نظر شمالی کوریا کے سربراہ کم جانگ اُن نے ملک میں کرونا کی ادویات کی مستحکم انداز میں تقسیم کے لیے فوج کو احکامات جاری کردیے ہیں۔

خیال رہے کہ شمالی کوریا نے گزشتہ ہفتے ہی دنیا میں وبا کے آغاز کے بعد پہلی بار ملک میں کرونا کیس سامنے آنے کی تصدیق کی تھی۔

کرونا صورتحال پر بلائے گئے اجلاس میں کم جانگ نے وبا سے نمٹنے کے لیے شعبہ صحت کے حکام کے ردعمل کو انتہائی غیر ذمہ دارانہ قرار دیتے ہوئے ان پر شدید تنقید کی، کم جانگ نے میڈیکل اسٹورز 24 گھنٹے کھلے نہ رکھنے پر بھی حکام کو تنقید کا نشانہ بنایا۔

دوسری جانب شمالی کوریا کے پڑوسی ملک جنوبی کوریا نے وائرس پھیلنے پر امداد کی پیشکش کی ہے۔

جنوبی کوریا کے صدر کا کہنا تھا کہ اگر پڑوسی ملک رضا مندی ظاہر کرے تو اسے کورونا کی طبی امداد فراہم کی جاسکتی ہے۔

Comments

یہ بھی پڑھیں