لاہور: پنجاب اسمبلی کے کل ہونے والے اجلاس کے لیے مسلم لیگ (ن) نے حکمت عملی تیار کرلی۔ پارٹی نے تمام ارکان اسمبلی کو لاہور میں رہنے کی ہدایت کر دی۔
ذرائع کے مطابق پنجاب اسمبلی کا ہنگامہ خیز اجلاس آج دوپہر دو بجے ہوگا جس کے لیے حکومت اور اپوزیشن نے اپنی اپنی حکمت علمی طے کرلی۔
اسپیکر سبطین خان کی جانب سے بلائے گئے اجلاس کا ایجنڈا جاری کر دیا گیا۔ وزیر اعلیٰ پنجاب پرویز الٰہی کے لیے اعتماد کا ووٹ لینا ایجنڈے میں شامل نہیں۔
پی ٹی آئی اور مسلم لیگ (ق) کی قیادت اجلاس سے متعلق مشاورت کر چکی ہے جبکہ مسلم لیگ (ن) نے اجلاس سے پہلے پارلیمانی پارٹی کا اجلاس طلب کرلیا۔
وزیر اعظم شہباز شریف کی ہدایت پر وزیر داخلہ رانا ثنا اللہ اور وزیر ریلوے خواجہ سعد رفیق اجلاس کی صدارت کریں گے۔ اجلاس میں اسمبلی سیشن کے لیے مشاورت کی جائے گی۔
Comments
- Advertisement -
