این اے 120 ضمنی الیکشن کے لئے انتظامات مکمل NA 120 election
The news is by your side.

Advertisement

این اے 120 ضمنی الیکشن کے لئے انتظامات مکمل، سیکیورٹی سخت

لاہور : این اے ایک سو بیس کے ضمنی الیکشن کے لئے انتظامات مکمل کر لئے گئے، اس موقع پرسیکیورٹی کےلئے فوج بھی خدمات پر مامور رہے گی، فوج کی زیرنگرانی میں آج بیلٹ بکس پولنگ اسٹیشنز پہنچائے جائیں گے۔

تفصیلات کے مطابق این اے ایک سو بیس کے بڑے معرکہ کیلئے پولنگ کل ہوگی، مسلم لیگ ن، تحریک انصاف، پیپلز پارٹی، جماعت اسلامی سمیت دیگر سیاسی جماعتوں کے اُمیدوار میدان میں ہیں۔

بڑےمعرکے کیلئے بڑے انتظامات مکمل کر لئے گئے ہیں، حلقہ میں قائم دو سو بیس پولنگ اسٹیشنز پر ووٹرز اپنا ووٹ کاسٹ کریں گے جبکہ سیکیورٹی کے لیے فوجی دستے بھی تعینات ہے۔


مزید پڑھیں :  این اے 120، پاک فوج کے دستے پہنچ گئے، گشت شروع


پاک فوج اور رینجرز کے جوان پولنگ اسٹیشنز کے اندراور باہرڈیوٹی دیں گے۔

صوبائی الیکشن کمیشن کے آفس کی سیکیورٹی بھی سخت کردی گئی ہے، الیکشن کمیشن دفتر آنے والے راستوں پر بھی رکاوٹیں لگادی گئیں۔

ملکی تاریخ میں پہلی بار عوام بائیو میٹرک مشینوں کے ذریعے اپنا ووٹ ڈالیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں