این اے120: پی ٹی آئی کا شہبازشریف کے مد مقابل امیدوارلانے کا فیصلہ -
The news is by your side.

Advertisement

این اے120: پی ٹی آئی کا شہبازشریف کے مد مقابل امیدوارلانے کا فیصلہ

لاہور: پی ٹی آئی نے این اے120پر خالی ہونے والی نشست کے ضمنی انتخاب میں شہباز شریف کے مد مقابل اپنا امیدوار لانے کا فیصلہ کرلیا ہے، وزیر اعظم کی نااہلی کے بعد حلقے کے عوام کا موڈ بھی بدلا بدلا سا لگ رہا ہے۔

تفصیلات کے مطابق نوازشریف کی وزارت عظمیٰ سے نااہلی کے بعد ان کی قومی اسمبلی کی خالی ہونیوالی نشست این اے120پر مسلم لیگ ن نے شہباز شریف کو کامیاب کروا کے وزیراعظم بنانے کا فیصلہ کرلیا ہے۔

مسائل میں گھرے این اے ایک سو بیس کےعوام کا موڈ اب کچھ اور ہی لگ رہا ہے، این اے ایک سو بیس لاہور پر انتخابی دنگل ہونے جارہا ہے، وزیراعلٰی پنجاب شہبازشریف اس نشست سے قومی اسمبلی میں پہنچ کر وزارت عظمٰی کی نشست پر براجمان ہوں گے لیکن اس دریا کو پارکرنا اتنا بھی آسان نہ ہوگا، کیونکہ تحریک انصاف اس بار پھر رکاوٹ بنے گی۔


مزید پڑھیں: شاہد خاقان عباسی عبوری اور شہباز شریف مستقل وزیراعظم نامزد


پی ٹی آئی نے یاسمین راشد کو مدمقابل امیدوار نامزد کردیا، عام انتخابات میں پی ٹی آئی کی ڈاکٹر یاسمین راشد نےنوازشریف کا مقابلہ کیا تھا اورچالیس ہزار سےزائد ووٹوں سے ناکام رہیں۔

اس بار حلقے کےلوگوں کا موڈ کچھ مختلف نظرآرہا ہے دیکھنا یہ ہے کہ شہبازشریف اس حلقے سےجیت کر وزیراعظم بنتےہیں یا یاسمین راشد ان کا خواب چکنا چور کردیتی ہیں۔

Comments

comments

یہ بھی پڑھیں