اسلام آباد : الیکشن ٹربیونل این اے 122 مبینہ دھاندلی کیس کا فیصلہ آج سنائے گا۔ الیکشن ٹریبونل کے جج کاظم علی ملک نے این اے 122 مبینہ دھاندلی کیس سماعت مکمل ہونے پر فیصلہ محفوظ کر لیا تھا۔
تحریک انصاف کے سربراہ عمران خان کی جانب سے درخواست دائر کی گئی کہ این اے 122 کے انتخابات میں سردار ایاز صادق نے دھاندلی سے کامیابی حاصل کی۔
ٹربیونل کے حکم پر لوکل کمیشن نے ووٹوں کی گنتی کرائی اور نادرا سے ووٹوں کی تصدیق کرائی گئی۔ لوکل کمیشن اور نادرا نے بڑے پیمانے پر بے ضابطگیوں کی نشاندہی کی تھی۔
الیکشن ٹریبونل نے سماعت مکمل ہونے پر فیصلہ محفوظ کر لیا تھا، جو آج (22اگست) کو سنایا جائے گا۔
