The news is by your side.

Advertisement

این اے 133 ضمنی الیکشن : پیپلزپارٹی نے امیدوار کااعلان کر دیا

لاہور : پیپلزپارٹی رہنما راجہ پرویزاشرف کا کہنا ہے کہ این اے 133میں چوہدری اسلم گل پیپلزپارٹی کے امیدوار ہوں گے اور ضمنی انتخاب میں کامیابی حاصل کریں گے۔

تفصیلات کے مطابق پیپلزپارٹی نے لاہور ضمنی الیکشن کے لیےامیدوار کااعلان کر دیا، این اے 133میں چوہدری اسلم گل پیپلزپارٹی کے امیدوار ہوں گے۔

پیپلزپارٹی رہنما راجہ پرویزاشرف نے پریس کانفرنس کرتے ہوئے کہا کہ بھرپورطریقےسےانتخابی مہم چلائیں گے، پیپلزپارٹی لاہور ضمنی انتخاب میں کامیابی حاصل کرے گی۔

پرویز اشرف کا کہنا تھا کہ پیپلزپارٹی کارکنان ضمنی انتخاب کےحوالے سے پرجوش ہیں، عام آدمی کی آوازحکمرانوں کوسنائی نہیں دے رہی، حکومتی ترجمانوں کا رویہ غیرذمہ دارانہ ہے۔

پی پی رہنما نے کہا کہ حکومت نے ہر طبقے اورکمیونٹی کو پریشان کردیا ہے ، آواز اٹھانے والوں کو دشمن سمجھ لیا جاتا ہے، کنٹینرز پر کھڑے ہو کر لوگوں کو سبز باغ دکھائےگئے۔

ان کا مزید کہنا تھا کہ غیرسنجیدہ لوگ ملک کےمستقبل کےفیصلےکررہے ہیں، جان بوجھ کر غیر یقینی صورتحال پیدا کی جارہی ہے ، لوگوں کو سمجھ نہیں آرہی کہ مہنگائی کا مقابلہ کیسے کریں۔

Comments

یہ بھی پڑھیں