The news is by your side.

لودھراں الیکشن : جہانگیر ترین نے صدیق بلوچ کوشکست دے دی

لودھراں : پاکستان تحریک انصاف کا کھلاڑی لودھراں کے ضمنی الیکش میں بازی لے گیا۔ ن لیگ کا شیرپیچھے رہ گیا۔

تفصیلات کے مطابق اے آر وائی کو موصول غیر حتمی اور غیر سرکاری نتائج کے مطابق این اے 154 میں تحریک انصاف کے جہانگیرترین کو نون لیگ کےصدیق بلوچ پرواضح برتری مل گئی ہے۔

لودھراں کے تمام پولنگ اسٹیشنزکےغیرحتمی غیر سرکاری نتائج  کے مطابق پی ٹی آئی کےجہانگیرترین1،13،480ووٹ لےکر جیت گئے ہیں جبکہ ن لیگ کےامیدوارصدیق بلوچ 72،110ووٹ لےکر شکست کھا گئے ہیں ۔

لودھراں میں ضمنی انتخاب کے ضمن میں گھمسان کا رن پڑا۔ لودھراں شہر میں پی ٹی آئی کے حامی جشن منارہے ہیں۔

علاوہ ازیں تحریک انصاف کے جہانگیرترین نے آج کے انتخابات کو قابل اطمینان قرار دیا ہے میڈیا سے گفتگو کرتے ہوئے انہوں نے کہا کہ آج پولنگ کے دن دھاندلی نہیں ہوئی لیکن پری پول دھاندلی ضرور ہوئی ہے۔

ان کا کہنا تھا کہ ابھی تک نتائج حوصلہ افزا ہیں، فوج کی تعیناتی سے کافی فرق پڑا، لیکن الیکشن کمیشن شفاف الیکشن کرانے میں ناکام رہا ہے۔

Print Friendly, PDF & Email

Comments

comments

یہ بھی پڑھیں