site
stats
پاکستان

این اے154کے ضمنی انتخاب، پاکستان تحریک انصاف کا فوج تعینات کرنے کا مطالبہ

لاہور : پاکستان تحریک انصاف نے الیکشن کمیشن کولکھے گئے خط میں این اے ایک سوچون لودھراں کے ضمنی انتخاب میں فوج تعینات کرنے کا مطالبہ کردیا ہے، تئیس دسمبر کو ہونے والے ضمنی انتخاب کے لئے تئیس امیدواروں نے کاغذات نامزدگی جمع کرادئیے۔

الیکشن کمیشن کو لکھے گئے خط میں مطالبہ کیا گیا ہے این ایک سوبائیس کے ضمنی انتخاب کی طرح این اے ایک سو چون کے ضمنی انتخاب میں بھی فوج تعینات کی جائے، پی ٹی آئی رہنما جہانگیرترین نے ڈسٹرکٹ ریٹرننگ افسر کو اس بارے میں تحریری درخواست بھی جمع کرادی۔

جہانگیرترین کا کہنا ہے کہ لودھراں کا ضمنی انتخاب بھی فوج کی نگرانی میں ہونا چاہئیے، این اے ایک سوبائیس کا ضمنی انتخاب بھی فوج کی زیرنگرانی میں ہوا تھا، لودھراں کے ضمنی انتخاب کے لئے تئیس امیدواروں نے کاغذات نامزدگی جمع کرادئیے۔

سپریم کورٹ نے لودھراں کے انتخاب کو کالعدم قراردیتے ہوئے دوبارہ انتخاب کرانے کا حکم دیا تھا۔ حکم ن لیگ کے صدیق بلوچ کی نااہلی قراردئیے جانے کے خلاف دائردرخواست پردیا گیا تھا۔

لودھراں میں ضمنی انتخاب تئیس دسمبر کو ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top