The news is by your side.

Advertisement

این اے271 بلیدہ: پولنگ اسٹاف کی حٖفاظت پر مامور ٹیم پر حملہ، 3 فوجی اہلکاروں سمیت 4 افراد شہید

راولپنڈی: این اے 271 بلیدہ میں پولنگ اسٹاف کی حفاظت پر مامور ٹیم پر حملہ ہوا ہے جس کے نتیجے میں 3 فوجی اہلکاروں سمیت 4 افراد شہید اور 14 زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق واقعہ گزشتہ رات پاک ایران بارڈر کے قریب پیش آیا جس کے نتیجے میں 3 فوجی اہلکاروں سمیت 4 افراد شہید اور 14 زخمی ہوگئے، حملے میں زخمی 10 افراد کو کراچی منتقل کردیا گیا ہے۔

دہشت گردوں کے حملے میں 10 سیکیورٹی اور 4 سویلین سمیت 14 افراد شدید زخمی ہوئے، 10 زخمی افراد کو کراچی منتقل کردیا گیا جبکہ 4 معمولی زخمیوں کو ڈی ایچ کیو تربت منتقل کردیا گیا ہے۔۔

آئی ایس پی آر کے مطابق حملے کے باوجود پولنگ اسٹیشن پر پولنگ کا عمل جاری رکھا گیا ہے جبکہ شہیدوں میں سپاہی عمران، جہانزیب، اکمل اور اسکول ٹیچر صفی اللہ شامل ہیں۔

مزید پڑھیں: کوئٹہ: مشرقی بائی پاس کے قریب پولنگ اسٹیشن کے باہر دھماکہ ،25 افراد شہید

واضح رہے کہ آج صبح صوبہ بلوچستان کے دارلحکومت کوئٹہ میں مشرقی بائی پاس کےقریب پولنگ اسٹیشن کے باہر دھماکا ہوا ، جس کے نتیجے میں 25 افراد جاں بحق اور 28 افراد زخمی ہوگئے ہیں۔

سیکیورٹی ذرائع کا کہنا تھا کہ مشرقی بائی پاس دھماکا خود کش تھا،اہلکاروں کے روکنے پر دہشت گرد نے خود کو دھماکے سے اڑا دیا۔

واضح رہے کہ ملک بھر میں عام انتخابات کیلئے پولنگ کا عمل جاری ہے، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں