The news is by your side.

Advertisement

سرگودھا:حلقہ این اے 91 کے 20 پولنگ اسٹیشنزپردوبارہ ووٹنگ جاری

سرگودھا : الیکشن کمیشن آف پاکستان کے حکم پر قومی اسمبلی کے حلقہ این اے 91 کے 20 پولنگ اسٹیشنز پر دوبارہ ووٹنگ جاری ہے۔

تفصیلات کے مطابق سرگودھا کے حلقہ این اے 91 کے 20 پولنگ اسٹیشنزپر صبح آٹھ بجے سے شام 5 بجے تک بغیر کسی وقفے کے پولنگ کا عمل جاری رہے گا۔ پی ٹی آئی کےعامرسلطان چیمہ اور ن لیگ کے ڈاکٹرذوالفقارعلی بھٹی کے درمیان کانٹنے کا مقابلہ متوقع ہے۔

حلقے میں امن وامان کے لیے تمام پولنگ اسٹیشنز کو حساس قرار دیا گیا ہے اور پولیس، رینجرز اور ایلیٹ فورس کو سیکیورٹی پرتعینات کیا گیا ہے۔

قومی اسمبلی کے حلقہ این اے 91 میں 28 ہزار 718 ووٹرز حق رائے دہی استعمال کرسکیں گے۔

سرگودھا کے حلقہ این اے 91 سے پاکستان تحریک انصاف کے رہنما عامر سلطان چیمہ منتخب ہوئے تھے جبکہ مسلم لیگ ن کے ذوالفقار بھٹی نے نتائج کو چیلنج کیا تھا۔

الیکشن کمیشن آف پاکستان نے حلقے کے 20 پولنگ اسٹیشنز میں ووٹ ٹمپرنگ پر دوبارہ پولنگ کا حکم دیا تھا۔

یاد رہے کہ 2018 کے عام انتخابات میں این اے 91 سے تحریک انصاف کے عامر سلطان چیمہ منتخب ہوئے تھے

بعدازاں جیت کے ووٹ کا مارجن انتہائی کم ہونے پر ن لیگی امیدوار ذوالفقار علی بھٹی نے دوبارہ گنتی کی درخواست دی تھی جس میں وہ صرف 87 ووٹوں کی برتری سے کامیاب قرار پائے تھے۔

Comments

comments

یہ بھی پڑھیں