The news is by your side.

Advertisement

قومی اسمبلی میں اپوزیشن لیڈر کون ہوگا؟ دلچسپ صورت حال

پاکستان تحریک انصاف قومی اسمبلی سے مستعفی ہوچکی، اب ایوان زیریں میں اپوزیشن لیڈر کس کا ہوگا؟ فیصلہ ہوگیا۔

تفصیلات کے مطابق قومی اسمبلی میں اپوزیشن لیڈر کی تقرری کے لئے ق لیگ نے اسپیکر کو درخواست دے دی ہے اور ق لیگ کی جانب سے حسین الہٰی کو اپوزیشن لیڈر کےلئے نامزد کردیا گیا ہے۔

مسلم لیگ ق کے رہنما اور اسپیکر پنجاب اسمبلی چوہدری پرویز الہٰی کے صاحبزادے حسین الہٰی نے ایک ٹویٹ میں کہا کہ انہوں نے اپوزیشن لیڈر کیلئے کاغذات ان خبروں کے بعد جمع کرائے ہیں جن میں کہا گیا تھا کہ اتحادی حکومت اور پی ٹی آئی کے منحرف ارکان ساز باز سے اپوزیشن لیڈر لانے کی تیاری کر رہے ہیں۔

حسین الہٰی نے کہا کہ وہ امپورٹڈ حکومت کو تسلیم نہیں کرتے اور نہ ہی امپورٹڈ اپوزیشن کے ساتھ کھڑے ہوں گے۔

دل چسپ امر یہ ہے کہ موجودہ سیاسی صورت حال میں مسلم لیگ ق بھی دو حصوں میں تقسیم ہوچکی ہے۔

چوہدری شجاعت حسین کے صاحبزادے چوہدری سالک حسین حکومتی اتحاد کا حصہ بننے کے بعد وفاقی وزیر بن چکے ہیں جب کہ چوہدی پرویز الہٰی تحریک انصاف کے ساتھ کھڑے ہیں۔

گزشتہ روز تحریک انصاف کے جلسے میں پرویز الہٰی کے صاحبزادے مونس الہٰی نے بھی خطاب کیا تھا۔

Comments

یہ بھی پڑھیں