پارلیمنٹ پرلعنت بھیجنے کا بیان، شیخ رشید اورعمران خان کیخلاف مذمتی قرارداد منظور
The news is by your side.

Advertisement

پارلیمنٹ پر لعنت بھیجنے کا بیان، شیخ رشید اورعمران خان کیخلاف مذمتی قرارداد منظور

اسلام آباد : پارلیمنٹ پرلعنت بھیجنے کے بیان پر عوامی مسلم لیگ کے سربراہ شیخ رشید اور پی ٹی آئی چیئرمین عمران خان کیخلاف قومی اسمبلی میں مذمتی قرارداد منظورکرلی گئی۔

تفصیلات کے مطابق قومی اسمبلی میں چیئرمین تحریک انصاف عمران خان اور شیخ رشید کےبیان کے خلاف قرارداد متفقہ طور پر منظور کرلی گئی، قرار داد میں کہا گیا ہے پاکستان کےعوام کی تذلیل کی گئی۔

قرارداد کے متن میں کہا گیا ہے کہ ایوان عمران خان اور شیخ رشید کے پارلیمنٹ کیلئے استعمال کئے گئے الفاظ کی سخت مذمت کرتا ہے، دونوں ایوان کے رکن ہیں لیکن پارلیمان کے تقدس کو مجروح کیا۔

قرارداد میں مزید کہا گیا ہے کہ پارلیمان جمہورکانمائندہ ادارہ ہے ،جمہوریت کے بغیر کوئی نظام نہیں چل سکتا۔

قرارداد منظوری کے وقت تحریک انصاف کے ارکان ایوان میں موجود نہیں تھے۔


مزید پڑھیں : مال روڈ جلسہ، عمران خان کی پارلیمنٹ پر شدید تنقید


یاد رہے کہ پی ٹی آئی چیئرمین عمران خان نے لاہور میں متحدہ اپوزیشن کے احتجاج میں اپنے خطاب میں کہا تھا کہ جو پارلیمنٹ انصاف نہ دے سکے اور مجرم کو پارٹی کا صدر بنا دے ایسی پارلیمنٹ پر لعنت بھیجتا ہوں۔

جلسے سے خطاب میں عوامی مسلم لیگ کے سربراہ شیخ رشید نے بھی پارلیمنٹ پر شدید تنقید کی اور اپنے استعفیٰ کا اعلان کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں