نیب کا وزیرِ دفاع، اسپیکر سندھ اسمبلی اور میئر کراچی کے خلاف انکوائری کا اعلان -
The news is by your side.

Advertisement

نیب کا وزیرِ دفاع، اسپیکر سندھ اسمبلی اور میئر کراچی کے خلاف انکوائری کا اعلان

اسلام آباد: قومی احتساب بیورو (نیب) نے وزیرِ دفاع پرویز خٹک، اسپیکر سندھ اسمبلی آغا سراج درّانی اور میئر کراچی وسیم اختر سمیت 14 اہم افراد کے خلاف انکوائریز کی منظوری دے دی۔

تفصیلات کے مطابق اسلام آباد میں چیئرمین نیب جسٹس (ر) جاوید اقبال کی زیرِ صدارت ایگزیکٹو بورڈ کا اجلاس منعقد ہوا، جس میں ایگزیکٹو بورڈ نے کرپشن کے سلسلے میں 14 اہم افراد کے خلاف تحقیقات کی منظوری دی۔

احتساب بیورو کی جانب سے جاری اعلامیے میں سابق وزیرِ اعلیٰ خیبر پختونخوا اور موجودہ وزیرِ دفاع کے خلاف بھی انکوائری کا اعلان کیا گیا ہے، نیب انکوائری کے اعلان سے پرویز خٹک کے گرد نیب کا گھیرا مزید تنگ ہوگیا ہے۔

وزیرِ دفاع پرویز خٹک کے خلاف نیب اعلامیے میں انکوائری کی تفصیلات فراہم نہیں کی گئی ہیں، چیئرمین نیب جاوید اقبال نے پیپلز پارٹی کے آغا سراج درانی اور ایم کیو ایم پاکستان کے وسیم اختر کے خلاف انکوائری کی بھی منظوری دی۔

واضح رہے کہ پرویز خٹک صاف پانی فراہمی کیس میں چیف جسٹس پاکستان ثاقب نثار کے طلب کرنے پر سپریم کورٹ پشاور رجسٹری میں پیش ہو چکے ہیں، ان پر ٹرانسپورٹ منصوبے کے حوالے سے بھی کرپشن کے الزامات ہیں۔


یہ بھی پڑھیں:  وزیر دفاع پرویز خٹک کا وزارت دفاع کا دورہ


اس سے قبل بھی نیب کی جانب سے مالم جبہ میں 275 ایکڑ سرکاری جنگلات کی اراضی سیمنز گروپ آف کمپنیز کو لیز پر دینے پر سابق وزیرِ اعلی خیبر پختون خواہ پرویز خٹک کے خلاف اختیارات کے ناجائز استعمال پر انکوائری کی منظوری دی جا چکی ہے۔

Comments

comments

یہ بھی پڑھیں