The news is by your side.

Advertisement

کروڑوں روپے کی خوردبرد کا الزام، محکمہ بلدیات کے 2 افسران گرفتار

کراچی : قومی احتساب بیورو (نیب) نے محکمہ بلدیات کے 2 افسران کو گرفتار کرلیا، ملزمان پر مبینہ طور پر کروڑوں روپے کی خوردبرد کا الزام ہے۔

تفصیلات کے مطابق قومی احتساب بیورو (نیب) نے رات گئے کراچی کے علاقے کلفٹن سے محکمہ بلدیات کے 2 افسران کو گرفتار کرلیا، گرفتار ملزمان میں رحمت اللہ شیخ اور منظورعباسی شامل ہیں۔

ذرائع کا کہنا ہے کہ ملزمان پر مبینہ طور پر کروڑوں روپے کی خوردبرد کا الزام ہے، ملزمان نے جعلی بلز کے ذریعے گھوسٹ کمپنیوں کو ادائیگیاں کیں۔

ذرائع کے مطابق رحمت اللہ شیخ سعیدغنی اورناصرشاہ کےفوکل پرسن بھی رہ چکےہیں، ان کو کچھ عرصہ قبل وزیر اعلیٰ سندھ نے عہدے سے ہٹایا تھا۔

ذرائع کا کہنا تھا کہ منظورعباسی نیب کےایک کیس میں پہلے بھی پلی بارگین کرچکا ہے، ملزم کےخلاف زائداثاثوں سے متعلق بھی تحقیقات جاری ہے۔

نیب ذرائع کے مطابق نیب نےڈی ایم سی ملیراورویسٹ کے بھی 2 افسران کوحراست میں لیا تھا، دونوں افسران روز قبل ضمانت قبل ازگرفتاری حاصل کرچکے تھے۔

Comments

یہ بھی پڑھیں