The news is by your side.

Advertisement

آصف زرداری کیخلاف پارک لین کیس میں اہم گرفتاری

اسلام آباد : قومی احتساب بیورو ( نیب ) نے پارک لین کیس میں سابق چیئرمین سی ڈی اے فرخند اقبال کو گرفتار کرلیا، فرخند اقبال پرپارک لین کوایک سواٹھارہ کینال سرکاری زمین دینےکاالزام ہے۔

تفصیلات کے مطابق پارک لین کیس میں سابق چیئرمین سی ڈی اے فرخنداقبال کو گرفتار کرلیا گیا ، ذرائع کا کہنا ہے کہ فرخنداقبال کو نیب راولپنڈی نے گرفتارکیا، ان پرپارک لین کو 118کینال سرکاری زمین دینے کاالزام ہے۔

نیب راولپنڈی کا کہنا ہے کہ ملزم نےماحولیاتی ونگ کی رپورٹ نظراندازکرکےغفلت کاارتکاب کیا اور سرکاری زمین ملی بھگت کرکےپرائیویٹ کمپنی پارک لین کودی جبکہ سابق ممبرمیاں وحیدالدین سےملکرتمام اصل کاغذات بھی غائب کیے، ملزم نے اشتہارات کا ناجائز استعمال کیا۔

دوسری جانب سابق چیئرمین سی ڈی اےفرخنداقبال ودیگر کیخلاف غیر قانونی الاٹمنٹ کے ریفرنس ہوئی ، احتساب عدالت کے جج اعظم خان نے ریفرنس پر سماعت کی، نیب پراسیکیوٹر نے بتایا مرکزی ملزم فرخند اقبال کو نیب نے دوسری انکوائری میں گرفتار کرلیا۔

نیب نے شریک ملزمان اعظم وزیر ،وقار علی خان کی بریت کی درخواستوں پرجواب جمع کراتے ہوئے استدعا کی ملزمان پرحساس نوعیت کے الزامات ہیں،بریت کی درخواست مستردکی جائے۔

عدالت نے نیب کے جواب جمع کرانے پر وکلاصفائی سے دلائل طلب کرتے ہوئے کیس کی سماعت 9ستمبر تک ملتوی کردی۔

Comments

یہ بھی پڑھیں