The news is by your side.

Advertisement

نیب نے این آئی سی ایل اور جے ایس انویسٹمنٹ کیس کی تحقیقات کے لئے اجازت مانگ لی

کراچی : نیب نے این آئی سی ایل اور جے ایس انویسٹمنٹ کیس کی تحقیقات کے لئے عدالت سے اجازت مانگ لی ، رپورٹ کے مطابق دونوں اداروں نے دو ارب روپے کی سرمایہ کاری کرکے قومی خزانے کو پچیس کروڑ باون لاکھ کا نقصان پہنچایا۔

تفصیلات کے مطابق قومی خزانے کو پچیس کروڑ سے زائد کا چونا لگانے کا اسکینڈل سامنے آگیا، نیب نے این آئی سی ایل اور جے ایس انویسٹمنٹ کیس کی تحقیقات کے لئے عدالت سے اجازت مانگ لی۔

نیب کا کہنا ہے کہ انکوائری میں انکشاف ہوا اسکینڈل میں جے ایس انویسٹمنٹ کوفائدہ ہوا،جے ایس انویسٹمنٹ اور این آئی سی ایل میں2 ارب کی سرمایہ کاری ہوئی، جس سے قومی خزانے کو کروڑوں روپے کا ٹیکا لگا۔

رپورٹ میں کہا گیا ہے کہ جےایس انویسٹمنٹ سےدستاویزات طلب کی گئیں تاہم تعاون نہیں کیا، اگراجازت نہ دی گئی تواسکینڈل کی تحقیقات کونقصان ہوگا۔

نیب رپورٹ میں بتایا گیا کہ سرمایہ کاری کا انکشاف آڈیٹرجنرل کی رپورٹ میں کیاگیا، سرمایہ کاری کےذریعے قومی خزانے کو25 کروڑ52 لاکھ کا نقصان ہوا،

رپورٹ کے مطابق آڈیٹرجنرل رپورٹ پر سپریم کورٹ نے نوٹس لیا،نیب کو تحقیقات کاحکم دیا، سابق این آئی سی ایل چیئرمین ایازخان نیازی کیخلاف تحقیقات شروع کی، نیب نےجےایس انویسٹمنٹ کے خلاف بھی تحقیقات شروع کی لیکن جےایس انویسٹمنٹ نے سندھ ہائیکورٹ سے حکم امتناع حاصل کرلیا اور عدالت نے نیب کو سمن اور بلااجازت تحقیقات کرنے سے روک دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں