The news is by your side.

Advertisement

ملزم حمزہ شہباز کو آگاہ کیا جاتاہےکہ قانون کو ہاتھ میں نہ لیں، نیب لاہور

لاہور : نیب لاہور کا کہنا ہے کہ حمزہ شہباز کی گرفتاری قانونی اقدام ہے، گرفتاری کےوارنٹ قانون کےمطابق اورہرلحاظ سےقابل عمل ہیں ، ملزم حمزہ  شہبازکو آگاہ کیا جاتاہے کہ قانون کوہاتھ میں نہ لیں اور گرفتاری دے دیں۔

تفصیلات کے مطابق نیب لاہور نے حمزہ شہباز کی گرفتاری سے متعلق اعلامیہ جاری کردیا ، جس میں کہا حمزہ شہباز کی گرفتاری قانونی اقدام ہے سیاست کی نذرنہ کیا جائے، قانون کی نظر میں تمام ملزمان برابر ہیں۔

نیب کا کہنا ہے گرفتاری کےوارنٹ قانون کےمطابق اورہرلحاظ سےقابل عمل ہیں ، کارکن اورگارڈ سیاسی رہنماؤں کی آشیربادپرماحول خراب کررہےہیں، ن لیگی کارکن اورگارڈ کارسرکار میں مداخلت کے مرتکب ہورہے ہیں، وارنٹ پر عمل اور سیکیورٹی کے پیش نظر رینجرز کو طلب کرنے کا فیصلہ کیا ہے۔

اعلامیہ میں کہا ملزم حمزہ شہباز کو آگاہ کیا جاتاہےکہ قانون کو ہاتھ میں نہ لیں اور قومی ادارے سے تعاون کرتے ہوئےگرفتاری دے دیں۔

مزید پڑھیں : نیب ٹیم حمزہ شہباز کو گرفتار کرنے شہبازشریف کی رہائش گاہ پہنچ گئی

خیال رہے نیب کی ٹیم حمزہ شہباز کو  گرفتار کرنے کے لئے شہباز شریف کی رہائش گاہ کے باہر موجود ہیں  جبکہ پولیس اور رینجرز کو بھی طلب کرلیا گیا ہے۔

کارکنان  رہائش گاہ کےسامنے احتجاج  کر رہے ہیں اور دھرنا دے دیا ہے، کارکنان نے پولیس اہلکاروں کو  دھکے دیئے اور دھمکیاں دیں۔

کارکنان کا کہنا ہے کسی صورت نیب کو حمزہ شہبازکوگرفتار نہیں کرنےدیں گے۔

Comments

comments

یہ بھی پڑھیں