site
stats
پاکستان

پلاٹوں کی فروخت کا معاملہ، نیب نے مصطفیٰ کمال کو طلب کرلیا

mustafa kamal media talk

کراچی: قومی احتساب بیورو نے پاک سرزمین پارٹی کے سربراہ مصطفیٰ کمال کو  طلب کرلیا۔

تفصیلات کے مطابق نیب کی جانب سے پاک سرزمین پارٹی کے سربراہ کو بطور سابق ناظم کراچی طلب کیا گیا ہے، کل مصطفیٰ کمال پیش ہوکر نظامت کے دور میں ہونے والی کرپشن کے حوالے سے سوالات کا جواب دیں گے۔

نیب ذرائع کے مطابق سینئر ڈائریکٹر ماسٹر پلان اور دیگر افراد کے کیس میں مصطفیٰ کمال کو طلب کیا گیا ہے، سینئر ڈائریکٹر ماسٹر پلان اور دیگر افراد پر گلیوں کو پلاٹس میں تبدیل کرنے کا الزام ہے۔قومی احتساب بیورو مصطفیٰ کمال سے دائرہ اختیارت اور گلیوں کو پلاٹس میں تبدیل کرنے کے حوالے سے تفتیش کرے گا۔

تفتیشی حکام کے مطابق مصطفی کمال کی نظامت کے دور میں کلفٹن اسٹالز کی زمین غیر قانونی طور پر فروخت کی گئی اور چار سو سے زائد پلاٹس ضم کر کے انہیں فروخت کرنے کا الزام ہے۔

دوسری جانب پاک سرزمین پارٹی کے ذرائع نے کہا ہے کہ مصطفیٰ کمال نیب کے سامنے حاضر نہیں ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top