The news is by your side.

Advertisement

نیب کارکردگی کا اعتراف معتبر ملکی و بین الاقوامی اداروں نے کیا، جاوید اقبال

اسلام آباد: قومی احتساب بیورو کے چیئرمین جسٹس (ر) جاوید اقبال نے کہا ہے کہ نیب کی مؤثر اور کامیاب حکمت عملی کا اعتراف معتبر ملکی و بین الاقوامی اداروں نے کیا۔

اے آر وائی نیوز کے مطابق چیئرمین نے کہا کہ نیب کی انسدادبدعنوانی کی حکمت عملی  مؤثر اورکامیاب رہی، جس کامعتبر ملکی اوربین الاقوامی اداروں نے بھی اعتراف کیا،

اُن کا کہنا تھا کہ ’ بدعنوانی معاشرے کی تمام برائیوں کی جڑ ہے، نیب بدعنوانی کو جڑ سے اکھاڑ  پھینکنے کیلئے پرعزم ہے‘۔ جسٹس (ر) جاوید اقبال نے کہا کہ نیب نے179 مقدمات میں سے93بدعنوانی کے ریفرنس عدالتوں میں دائر کیے جبکہ 66 ریفرنسز کو قانون کے مطابق نمٹا دیا گیا ہے۔

انہوں نے کہا کہ ’وائٹ کالر کرائم کے میگا کرپشن مقدمات کو منطقی انجام تک پہنچانے کیلئے نیب کی انسداد بدعنوانی کی حکمت عملی انتہائی موثر اورکامیاب رہی ہے۔ انہوں نے کہا کہ نیب احتساب سب کیلئے کی پالیسی پر عمل پیرا ہے، اس وقت 179 میگا کرپشن مقدمات میں سے  دس کی انکوائریاں اور دس کی انسوسٹی گیشنز جاری ہیں، نیب نے بلاواسطہ اور بلواسطہ طور پر 539روپے کی لوٹی ہوئی رقم برآمد کی جوکہ  ایک ریکارڈ کامیابی ہے۔

چیئرمین نیب کا کہنا تھا کہ احتساب عدالتوں میں نیب کے 1278بدعنوانی کے ریفرنسز زیرسماعت ہیں، جن کی کل مالیت تقریبا1305ارب روپے سے زائد ہے۔ اُن کا کہنا تھا کہ  نیب بدعنوانی کے خلاف اقوام متحدہ کے کنونشن کے تحت پاکستان کا فوکل ادارہ ہے، پاکستان دنیا کا واحد ملک ہے جس نے چین کے ساتھ بدعنوانی کے خاتمے کیلئے مفاہمت کی یادداشت پر دستخط کئے ہیں۔

Comments

یہ بھی پڑھیں