site
stats
پاکستان

وکلاء پر تشدد، احتساب عدالت کا آئی جی اسلام آباد کو تحقیقات کا حکم

اسلام آباد : احتساب عدالت نے وکلاء کے ساتھ پیش آنے والے واقع پر آئی جی اسلام آباد کو تحقیقات کرکے رپورٹ پیش کرنے کا حکم دیدیا ہے جبکہ ہنگامہ آرائی کی آڑ میں نیب پراسیکیوشن ٹیم پر حملےکی کوشش کی گئی، نیب نےابتدائی رپورٹ پیش کردی۔

تفصیلات کے مطابق اسلام آباد احتساب عدالت نے وکلاء پرتشدد کا نوٹس لے لیا اور آئی جی اسلام آباد کو تحقیقات کر کے رپورٹ پیش کرنے کا حکم دیدیا ہے جبکہ نیب پراسیکیوشن ٹیم نے بھی ہیڈکوارٹرزکو معاملےکی ابتدائی رپورٹ پیش کردی۔

رپورٹ میں بتایا گیا کہ ہنگامہ آرائی کی آڑمیں نیب پراسیکیوشن ٹیم پر حملے کرکے ڈائس سےہٹانےکی کوشش کی گئی  جبکہ پراسیکیوشن ٹیم کے سربراہ سردار مظفرعباسی کو دھکے دیئے گئے۔


مزید پڑھیں : احتساب عدالت میں بدمزگی‘ سماعت بغیرکارروائی کے ملتوی


یاد رہے کہ احتساب عدالت مریم نواز کی پیشی کے موقع پر مریم نواز اور کیپٹن صفدر کےمسلح گارڈ کمرہ عدالت میں جانا چاہتے تھے،عدالت میں داخلےسے روکنے سےمسلح گارڈز اور پولیس میں ہنگامہ آرائی شروع ہوئی، جس کے بعد ن لیگ کے وکلا بھی آپے سے باہر ہوگئے۔

پولیس نے وکلاء پر لاٹھی چارج کیا، وکلا کا کہنا تھا کہ پولیس نے تشددکی انتہا کردی، پولیس کے تشددسے معاملہ بگڑا، مبینہ پولیس گردی کی تحقیقات کی جائیں۔

ہنگامہ آرائی اورہلڑبازی کے باعث سماعت بغیرکارروائی ملتوی کردی گئی تھی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top