The news is by your side.

Advertisement

ایون فیلڈریفرنس، غیرملکی گواہوں کے بیانات ویڈیولنک پر ریکارڈ کرنے کی درخواست منظور

اسلام آباد : شریف خاندان کیخلاف ایون فیلڈریفرنس پر احتساب عدالت نے غیرملکی گواہوں کے بیانات ویڈیولنک پر ریکارڈ کرنے کی درخواست منظور کرلی ۔

تفصیلات کے مطابق ااحتساب عدالت کے جج محمد بشیر نے شریف خاندان کیخلاف ایون فیلڈ ریفرنس پر غیر ملکی گواہوں کے ویڈیو لنک کے ذریعے بیان ریکارڈ کرنے کی درخواست پر سماعت کی۔

نیب پراسیکیوٹرسردارمظفرعباسی نے دلائل دیتے ہوئے کہا کہ گواہ بیان ریکارڈ کرانے اورشواہد پیش کرنے کیلئے تیارہیں لیکن امن و امان کی صورتحال کے باعث پاکستان آنے سے انکاری ہیں۔

پراسیکیوٹر نے کہا کہ گواہ ویڈیو لنک پر بیان ریکارڈ کرانے کیلئے 6اور7فروری کودستیاب ہیں ، جس پر وکیل شریف فیملی کا کہنا تھا کہ گواہ نواب نہیں کہ ان کی بتائی گئی تاریخوں پر بیان ریکارڈ کیا جائے۔

عدالت سے استدعا ہے کہ 2 غیر ملکیوں گواہ رابرٹ ریڈلی اور اختر راجہ کاویڈیو لنک کے ذریعے بیان قلمبند کرنے کی اجازت دی جائے۔

بعد ازاں احتساب عدالت میں شریف خاندان کیخلاف ایون فیلڈ ریفرنس میں غیر ملکی گواہوں کے ویڈیولنک کے ذریعے بیان ریکارڈکرنے کی درخواست منطور کرلی۔

احتساب عدالت نے کہا کہ گواہ پاکستانی ہائی کمیشن میں بیٹھ کربیان ریکارڈکرائیں گے۔

خیال رہے کہ نیب کی جانب سے بیرون ملک 2گواہان کے ویڈیولنک کے ذریعے بیانات ریکارڈکرانےکی درخواست دی گئی تھی۔

نواز شریف اور مریم نواز کی حاضری سے استثنیٰ کی درخواست

اس سے قبل احتساب عدالت میں سابق وزیراعظم نواز شریف اور مریم نواز کی جانب سے حاضری سے استثنیٰ کی درخواست جمع کرائی گئی جبکہ کیپٹن (ر) صفدر پیش ہوئے۔

نواز شریف کے وکیل نے کہا کہ نواز شریف کراچی میں مصروفیات کے باعث آج پیش نہیں ہو سکے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں