The news is by your side.

Advertisement

احتساب عدالت کا فیصلہ : راولپنڈی اوراسلام آباد میں سیکیورٹی کے سخت انتظامات

اسلام آباد : مسلم لیگ ن کے قائد نواز شریف کے خلاف العزیزیہ اسٹیل ملز اور فلیگ شپ ریفرنس کے فیصلے کے موقع پر جڑواں شہروں میں سیکیورٹی ہائی الرٹ کردی گئی، متعلقہ اداروں نے خصوصی پلان تیار کرلیا۔

تفصیلات کے مطابق راولپنڈی اور اسلام آباد میں سیکیورٹی کے اہم انتظامات لیے گئے ہیں، نواز شریف کے خلاف نیب ریفرنسز کا فیصلہ کیا آئے گا۔

اس موقع پر لیگی متوالوں کی جانب سے کسی بھی متوقع ناخوشگوار واقعے سے نمٹنے کیلئے سیکیورٹی پلان تیارکرلیا گیا، احتساب عدالت کے اندر اور باہر رینجرز تعینات ہوگی۔

جوڈیشل کمپلیکس کے اطراف پولیس کی بھاری نفری تعینات کی گئی ہے، کمرہ عدالت میں صرف نوازشریف اور ان کے وکلاء کو جانے کی اجازت ہوگی۔

عدالت کے احاطے میں کوئی غیرمتعلقہ شخص داخل نہیں ہوسکے گا، اس موقع پر مری روڈ، فیض آباد، اڈیالہ روڈ، پشاور روڈ پر بھی کڑا پہرہ ہوگا۔ دیگر اضلاع سے بھی اہلکار بلوالیے گئے ہیں۔

مزید پڑھیں: نواز شریف کے خلاف دو  ریفرنسز کا فیصلہ آج سنایا جائے گا

واضح رہے کہ نواز شریف کیخلاف فیصلہ آنے کی صورت میں پاکستان مسلم لیگ ن محاذ آرائی کا راستہ اختیار کرے گی یا خاموشی کا، شریف برادران نے گزشتہ روز مشاورت کے بعد حکمتِ عملی تیار کر لی ہے۔

فیصلہ احتساب عدالت کے جج محمد ارشد ملک سنائیں گے، جن کے سامنے نواز شریف اب تک 60 مرتبہ پیش ہو چکے ہیں، لوگ فیصلے کے منتظر ہیں کہ اب نواز شریف اپنے گھر واپس جائیں گے یا وہی سے جیل روانہ ہوں گے۔

Comments

comments

یہ بھی پڑھیں