The news is by your side.

Advertisement

نیب کا شاہد خاقان کی ضمانت منسوخی کیلیے اپیل دائر کرنے کا فیصلہ

اسلام آباد: قومی احتساب بیورو(نیب) نے سابق وزیراعظم شاہد خاقان عباسی کی ایل این جی کیس میں ضمانت منسوخی کے لیے سپریم کورٹ سے رجوع کرنے کا فیصلہ کیا ہے۔

تفصیلات کے مطابق 25 فروری کو اسلام آباد ہائیکورٹ کی جانب سے شاہد خاقان عباسی کو ضمانت پر رہا کرنے کے فیصلے کے خلاف نیب نے سپریم کورٹ میں اپیل دائر کرنے کا فیصلہ کیا ہے۔

نیب نےایل این جی کیس پر تفصیلی غور کے بعد طے کیا ہے کہ شاہد خاقان عباسی کی ضمانت کے خلاف سپریم کورٹ سے رجوع کیا جائے گا۔

یہ بھی پڑھیں: شاہد خاقان عباسی اور احسن اقبال کی ضمانت منظور

ذرائع کا کہنا ہے کہ 15روز میں شاہد خاقان عباسی کی ضمانت منسوخی کے لیے سپریم کورٹ میں اپیل دائر کی جائےگی۔

واضح رہے کہ 25 فروری کو اسلام آباد ہائی کورٹ میں چیف جسٹس اطہر من اللہ کی سربراہی میں آج 2 رکنی بینچ نے مسلم لیگ ن کے رہنما شاہد خاقان عباسی اور احسن اقبال کی درخواست ضمانت پر سماعت کی تھی۔

عدالت نے نیب پراسیکیوٹر کے دلائل سننے کے بعد سابق وزیراعظم اور مسلم لیگ ن کے رہنما شاہد خاقان عباسی اور سابق وزیر داخلہ احسن اقبال کی ضمانت منظور کی۔ اسلام ہائی کورٹ نے دونوں لیگی رہنماؤں کو ایک ایک کروڑ روپے کے ضمانتی مچلکوں کے عوض ان کی رہائی کا حکم دیا تھا۔

fb-share-icon0
Tweet 20

Comments

comments

یہ بھی پڑھیں