اسلام آباد: نیب نے وزیر اعظم شہباز شریف کو آشیانہ ہاؤسنگ اسکینڈل میں بے گناہ قرار دیدیا۔
قومی احتساب بیورو (نیب) حکام نے عدالت میں رپورٹ جمع کرائیہے جس میں کہا کہ آشیانہ ہاؤسنگ کے ٹھیکے میں بدعنوانی کےکوئی ثبوت نہیں ملے، اس ست سرکاری خزانے کو کوئی نقصان نہیں پہنچا نہ ہی شہباز شریف نے کوئی فوائد حاصل کیے۔
نیب حکام کی جانب سے عدالت میں جمع کرائی گئی رپورٹ میں اس بات پر زور دیا گیا ہے کہ وزیر اعظم شہباز شریف کے خلاف آشیانہ ہاؤسنگ میں کرپشن کا ثبوت نہیں ملا، دوبارہ انکوائری کی گئی مگر ثبوت نہیں مل سکا۔
رپورٹ میں کہا گیا کہ شہباز شریف کے خلاف اختیارات کے ناجائز استعمال کے ثبوت نہیں ملے، آشیانہ اسکینڈل میں ان کےخلاف بدنیتی کا کوئی پہلو بھی ثابت نہیں ہوتا۔
نیب نے کہا کہ ریکارڈ و شواہد سے ثابت ہوتا ہے کسی پبلک آفس ہولڈر نےکسی قسم کے فوائد حاصل نہیں کیے، بغیر کسی شکوک و شبہات کے یہ بات ثابت ہورہی ہے سرکاری خزانےکو نقصان نہیں ہوا۔
نیب نے رپورٹ میں لکھا کہ کامران کیانی نے بھی سرکار کے خزانےکو نقصان نہیں پہنچایا، نہ ہی فواد حسن فواد نے ٹھیکہ دلوانے کے لیے کوئی رشوت لی۔
نیب رپورٹ میں یہ بھی کہا گیا ہے کہ شہباز شریف نے آشیانہ کا معاملہ قانون کے مطابق اینٹی کرپشن کو بھجوایا تھا، احتساب عدالت قانون کے مطابق شہباز شریف کی بریت کی درخواست پر فیصلہ کر دے۔
