تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

غیرقانونی اثاثہ جات کیس : اسپیکرسندھ اسمبلی آغاسراج درانی 3 روزہ راہداری ریمانڈ پر نیب کےحوالے

اسلام آباد: احتساب عدالت نے اسپیکرسندھ اسمبلی آغا سراج درانی کا 3روزہ راہداری ریمانڈ منظور کرکے نیب کے حوالے کردیا، نیب کی جانب سے 7 دن  کے راہداری ریمانڈ کی استدعاکی گئی تھی۔

تفصیلات کے مطابق اسپیکرسندھ اسمبلی آغاسراج درانی کو غیرقانونی اثاثہ جات ریفرنس میں احتساب عدالت کےجج محمدبشیر کے روبرو پیش کیاگیا، وکیل نے کہا آغاسراج درانی کو آج نیب کراچی ٹیم نےگرفتارکیا، مجازاتھارٹی نےوارنٹ گرفتاری جاری کیے، ملزم کےخلاف کراچی میں اثاثہ جات ریفرنس زیرسماعت ہے۔

نیب کا کہنا تھا کہ آغا سراج درانی اوران کے خاندان کے گیارہ افراد کے خلاف اثاثوں کی تحقیقات چل رہی ہے، ان کی کراچی، حیدرآباداور سکھر میں جائیدادیں ہیں، جن کی وضاحت نہیں دی گئی۔

نیب کی جانب سے 7دن کے راہداری ریمانڈ کی استدعاکی گئی تھی، جس پر احتساب عدالت نے آغاسراج درانی کا3روزہ راہداری ریمانڈ منظور کرلیا اور ملزم کو3 دن بعد کراچی کی متعلقہ عدالت میں پیش کرنے کا حکم دیا۔

نیب حکام نے کہا آغا سراج درانی کو آج یاکل صبح واپس کراچی لےجائیں گے ، :موسم کی خرابی کےباعث زیادہ وقت مانگا ، عدالت نے آغاسراج درانی کاآج ہی طبی معائنہ بھی کرانے کا حکم دیا۔

مزید پڑھیں : آمدن سے زائد اثاثہ جات کیس: نیب نے اسپیکرسندھ اسمبلی آغاسراج درانی کو گرفتار کرلیا

جس کے بعد نیب ٹیم اسپیکرسندھ اسمبلی آغا سراج درانی کو کراچی لے کر روانہ ہوگئی۔

یاد رہے نیب کراچی نےآمدن سےزائد اثاثہ جات کیس میں اسپیکرسندھ اسمبلی آغا سراج درانی کو اسلام آباد کے فائیو اسٹار ہوٹل سے حراست میں لیا تھا ۔

نیب اعلامیہ میں اسپیکرسندھ اسمبلی آغاسراج درانی کی گرفتاری کی تصدیق کرتے ہوئے کہا گیا تھا کہ نیب راولپنڈی اورنیب ہیڈکوارٹرز انٹیلی جنس ونگ کی معاونت سےگرفتارکیاگیا ، ملزم پرآمدن سے زائد اثاثے بنانے کا الزام ہے۔

Comments

- Advertisement -