The news is by your side.

Advertisement

نیب کا اس وقت کالا قانون ہے جس کو تبدیل کرنا ناگزیر ہے، بلاول بھٹو

لاہور : بلاول بھٹو زرداری نے پریس کانفرنس سے خطاب کرتے ہوئے کہا ہے کہ بی آر ٹی، چینی اسکینڈل سمیت اب کلبھوشن کو بھی این آر او دیا جارہا ہے، موجودہ حکومت کے خلاف تمام اپوزیشن جماعتوں کو متحد ہونا ہوگا۔

چیئرمین پاکستان پیپلز پارٹی بلاول بھٹو زرداری نے لاہور میں مسلم لیگ نواز کے صدر و سابق وزیر اعلیٰ پنجاب شہباز شریف کے ہمراہ پریس کانفرنس سے خطاب کرتے ہوئے ان خیالات کا اظہار کیا، انہیں نے کہ پاکستان کے عوام آج مشکلات سے گزر رہے ہیں۔

بلاول بھٹو کا کہنا تھا کہ پی ٹی آئی حکومت نے جتنے این آر او دیئے ماضی میں کسی نے نہیں دیئے، بی آر ٹی، چینی اسکینڈل سمیت اب کلبھوشن کو بھی این آر او دیا جارہا ہے۔۔

چیئرمین پی پی پی کا کہنا تھا کہ موجودہ حکومت کے خلاف تمام اپوزیشن جماعتوں کو متحد ہونا ہوگا، عید کے بعد رہبر کمیٹی میٹنگ میں عوام کو خوشخبری سنائیں گے۔

ان کا کہنا تھا کہ اے پی سی میں ہمیں اتفاق رائے پیدا کرکے لائحہ عمل مرتب کرنا ہوگا، مڈٹرم الیکشن سمیت کوئی بھی ایجنڈا ہو ہمیں اتفاق رائے پیدا کرنا ہے، شہباز شریف سے ملاقات طے نہ ہوتی تو شاہ محمود کو اسمبلی میں جواب دیتا۔

انہوں نے کہا کہ کلبھوشن سے متعلق آرڈیننس پر شاہ محمود قریشی پر کیوں خاموش ہیں، حکومت نے نیب آرڈیننس پیش کیا جو ناکام ہوچکا ہے، حکومت کہتی ہے جو تجاویز ہم نے دی ہیں اس پر عمل کریں، اپوزیشن کہتی ہے جو سپریم کورٹ کہتی ہے اس پر عمل کریں، انسانی اور جمہوری حقوق پر حملہ ہوگا تو ہم اسے قبول نہیں کریں گے۔

چیئرمین پیپلز پارٹی بلاول بھٹو نے  مزیدکہا کہ نیب کا اس وقت کالا قانون ہے جس کو تبدیل کرنا ناگزیر ہے۔

Comments

یہ بھی پڑھیں