The news is by your side.

Advertisement

پنجاب کے 23 بڑے بیورو کریٹس کے گرد نیب کا شکنجہ تنگ

لاہور: قومی احتساب ادارے (نیب) نے پنجاب کے 23 بڑے بیورو کریٹس اور افسران کے نام ایگزٹ کنٹرول لسٹ (ای سی ایل) میں ڈالنے کی تیاری کرلی۔

تفصیلات کے مطابق نیب نے پنجاب کی بیورو کریسی کے خلاف اہم قدم اٹھاتے ہوئے 23 بڑے بیورو کریٹس اور افسران کے خلاف فہرست تیار کرلی جن کا نام ایگزٹ کنٹرول لسٹ میں ڈالا جائے گا۔

نام ای سی ایل میں ڈالنے کے لیے فہرست ڈی جی آپریشن نیب ہیڈ کوارٹر اور وزارت داخلہ کو ارسال کردی گئی ہے۔

فہرست میں سیکریٹری پرائمری سیکنڈری ہیلتھ علی جان خان، سی ای او قائد اعظم سولر پاور نجم شاہ، ڈائریکٹر فنانس پیراگون سٹی فرحان علی، مینیجر پیراگون سٹی شہزاد وحید، ایل ڈی اے سٹی کے ڈویلپمنٹ پارٹنرز ملک آصف، میاں طاہر جاوید، عبد الرشید احمد، شاہد شفیق اور ابراہیم بھٹی کے نام شامل ہیں۔

نیب نے پاور ڈویلپمنٹ کمپنی کے سی ای او سید فرخ شاہ، گوجرانوالہ ویسٹ مینجمنٹ کے سی ای او ڈاکٹر عطا الحق، ویسٹ مینیجمنٹ اور صاف پانی کمپنی کے سابق سی ای اوز وسیم اجمل، خالد مجید، رانا محمد عارف، جمیل احمد، ڈی سی او اوکاڑہ محمد اسلم قاسم اور سابق چیئرمین فیصل آباد انڈسٹریل کمپنی کا نام بھی شامل کیا ہے۔

فہرست میں مزید بیورو کریٹس ارشاد احمد، محمد لطیف، اسلم خان، علی باجوہ کے نام بھی شامل ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں