The news is by your side.

Advertisement

آصف زرداری کی نیویارک پراپرٹی کی تحقیقات میں اہم پیشرفت

اسلام آباد : تفتیشی ٹیم نے سابق صدر آصف زرداری کی نیویارک پراپرٹی کی  تحقیقات کیلئے امریکا سے مزید معلومات لینے کا فیصلہ کرلیا ، نیویارک فلیٹ کسی اور کو منتقل کرنے پر ایم ایل اے لکھا جائے گا۔

تفصیلات کے مطابق سابق صدر آصف زرداری کی نیویارک پراپرٹی تحقیقات میں اہم پیشرفت سامنے آئی ،ذرائع کا کہنا ہے کہ نیب کو الیکشن کمیشن سے تمام ریکارڈ موصول ہوگئے ہیں ، جس کے بعد تفتیشی ٹیم نے امریکا سے مزید معلومات لینے کا فیصلہ کیا ہے۔

نیب ذرائع کا کہنا ہے کہ نیویارک فلیٹ کسی اور کو منتقل کرنے پر ایم ایل اے لکھا جائے گا ، الیکشن کمیشن میں آصف زرداری نے نیویارک پراپرٹی ظاہرنہیں کی جبکہ نیویارک پراپرٹی رجسٹرار کی پرانی دستاویزات نیب کے پاس موجود ہے ، جس کے مطابق نیویارک میں جائیداد ملکیت آصف زرداری کی ہی تھی۔

نیب دستاویز میں کہا گیا ہے کہ 20جون2007 کو5لاکھ 30ہزار ڈالرمیں اپارٹمنٹ خریدا گیا اور 7جون 2007کوآصف زرداری نےمیری این نامی خاتون کو پاورآف اٹارنی دیا۔

خیال رہے آصف زرداری نےکیس میں 28جولائی تک عبوری ضمانت لے رکھی ہے جبکہ آصف زرداری نے نیب سوالنامے کاجواب دینے کیلئے ایک ماہ کی مہلت طلب کی تھی۔

Comments

یہ بھی پڑھیں