The news is by your side.

Advertisement

فضائیہ ہاؤسنگ اسکیم کے متاثرین کے لئے بڑی خبر

کراچی : قومی احتساب بیورو ( نیب) نے فضائیہ ہاؤسنگ اسکیم کےخلاف تحقیقات کاآغازکردیا ہے ، فضائیہ ہاؤسنگ اسکیم متاثرین کی تعداد 6 ہزار سے زائد ہے ، چیئرمین نیب نے جلد از جلد انکوائری مکمل کرنےکی ہدایت کی ہے۔

تفصیلات کے مطابق فضائیہ ہاؤسنگ اسکیم کے متاثرین کے لئے بڑی خبر آگئی ، قومی احتساب بیورو ( نیب) کراچی نے فضائیہ ہاؤسنگ اسکیم کے خلاف تحقیقات کا آغاز کردیا، فضائیہ پراجیکٹ متاثرین کی درخواست کے بعد دوبارہ تحقیقات کا فیصلہ کیا گیا۔

نیب کا کہنا ہے کہ فضائیہ ہاؤسنگ اسکیم متاثرین کی تعداد 6 ہزار سے زائد ہے، متاثرین کی جانب سے اسکیم میں 13ارب روپے لگائے گئے تھے، چیئرمین نیب کی ہدایت پردوبارہ سے نئی انکوائری کی ہدایت کی گئی ہے۔

چیئرمین نیب نے جلد از جلد انکوائری مکمل کرنے کی ہدایت بھی کی ہے۔

مزید پڑھیں :نیب کی کارروائی : زمینوں کی جعل سازی میں ملوث چار گرفتار ملزمان کراچی منتقل

یاد رہے گذشتہ ہفتے نیب نے زمینوں کی جعل سازی کے مقدمات میں ملوث چار گرفتار سرکاری افسران اسلام آباد سے کراچی منتقل کئے تھے، نیب ذرائع کا کہنا تھا کہ گرفتار ملزمان میں واٹربورڈ کےدو اور کےڈی اے کے دو افسران شامل ہیں، ملزمان کے خلاف ریفرنس درج کرکے مزید تفتیش کا آغاز کیا جائے گا۔

ذرائع کے مطابق ملزمان نے اربوں روپے مالیت کی زمینیں جعل سازی سے الاٹ کیں، گرفتار واٹر بورڈ افسران نے جعلی کاغذات بنا کر زمینیں لینڈ مافیا کو فروخت کیں۔

گرفتار ملزمان میں ایکس سی این واٹر بورڈ سید اعجاز اور شاہ یوسف امام شامل ہیں، نیب ذرائع کے مطابق کے ڈی اے افسران میں محمد انور فاروقی اور ایگزیکٹیو انجینیئر عبدالجلیل شامل ہیں۔

fb-share-icon0
Tweet 20

Comments

comments

یہ بھی پڑھیں