The news is by your side.

Advertisement

40 ارب روپے کا فراڈ، نیب نے امریکا کے لیے نامزد سفیر علی جہانگیر کو کل طلب کر لیا

اسلام آباد: قومی احتساب بیورو نے امریکا کے لیے نامزد سفیر علی جہانگیر کو 40 ارب روپے کے فراڈ سے متعلق تفتیش کے لیے کل طلب کر لیا ہے۔

تفصیلات کے مطابق نیب لاہور علی جہانگیر صدیقی کو پہلے بھی کرپشن کے الزامات پر پوچھ گچھ کے لیے طلب کر چکی ہے، تاہم ایک بار پھر انہیں نیب کی جانب سے ذاتی حیثیت میں طلب کیا گیا ہے۔

ترجمان نیب کے مطابق تفتیش میں شامل ظفر عبداللہ کو بھی طلب کیا گیا گا جو بطور سی ای او کراس بائی سیکورٹیز نیب کے سامنے پیش ہوں گے جبکہ اسٹاک بروکریج فرم کے سی ای او سہیل ڈیالہ بھی شامل تفتیش ہیں جو کل نیب لاہور پہنچے گے۔

کرپشن کے الزامات، نیب نے امریکا کے لیے نامزد سفیر علی جہانگیرصدیقی کو طلب کرلیا

ترجمان نیب کا مزید کہنا تھا کہ ایڈیشنل ڈائریکٹر ایس ای سی پی طارق احمد کو بھی تفتیش کےلئے بلالیا گیا جبکہ دوسری جانب سابق گروپ چیف نیشنل بنک ندیم انور الیاس آج نیب لاہور میں پیش ہوئے جن سے نیب حکام کی جانب سے تفتیش کی گئی۔

یاد رہے کہ علی جہانگیر صدیقی پر چالیس ارب روپے کرپشن کا الزام ہے، ذرائع کے مطابق ان کی کمپنیاں اسٹاک مارکیٹ میں کرپشن میں ملوث پائی گئی ہیں، اس کے علاوہ ان پر انسائڈر ٹریڈنگ کا بھی الزام ہے۔

نیب نے امریکا کے لیے نامزد سفیر علی جہانگیر صدیقی کو دوبارہ طلب کرلیا

واضح رہے کہ علی جہانگیر صدیقی پر اپنی کمپنیوں کے حصص کی خرید و فروخت میں بے ضابطگی کا الزام ہے اور ان کے خلاف منی لانڈرنگ اور انسائڈر ٹریڈنگ کے سلسلے میں انکوائری ہوری ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔ 

Comments

comments

یہ بھی پڑھیں