The news is by your side.

سلیمان شہباز کو ایف آئی اے کے بعد نیب سے بھی ریلیف مل گیا

لاہور: وزیراعظم کے بیٹے سلیمان شہباز کو ایف آئی اے کے بعد نیب سے بھی ریلیف مل گیا، نیب لاہور نے بیان دیا کہ سلیمان شہباز کی گرفتاری مطلوب نہیں ہے۔

سلیمان شہباز اور شہباز شریف کے داماد ہارون یوسف منی لانڈرنگ ریفرنس میں عبوری  ضمانت کی معیاد ختم ہونے کے بعد احتساب عدالت پیش ہوئے۔

 دوران سماعت تفتیشی افسر نے رپورٹ پیش کی اور بتایا کہ سلیمان شہباز کی گرفتاری مطلوب نہیں ہے سلیمان شہباز نے نیب کے تفتیشی کے بعد کے بعد عبوری درخواست ضمانت واپس لے لی۔

 وزیراعظم  شہباز شریف کے داماد ہارون یوسف کی درخواست ضمانت پر نیب نے رپورٹ جمع کروانے کے لیے مہلت کی استدعا کی جس کے بعد عدالت نے نیب کی استدعا منظور کرتے ہوئے ہارون یوسف کی منی لانڈرنگ کیس میں عبوری ضمانت میں 7 فروری تک توسیع کردی ۔

نیب لاہور منی لانڈرنگ ریفرنس میں شہباز شریف کی اہلیہ ،دو بیٹیوں اور دو بیٹوں اور  داماد  کو نامزد کیا تھا۔

 عدالتی کاروائی کے بعد نگران وزیر محسن نقوی کے متعلق سوال پر سلیمان شہباز نے  کہا کہ وہ اچھے اور اصول پسند آدمی ہیں۔

Comments

یہ بھی پڑھیں