The news is by your side.

Advertisement

اختیارات کا ناجائز استعمال، نیب نے نواز شریف کو طلب کرلیا

اسلام آباد: نواز شریف کی مشکلات میں مزید اضافہ ہوگیا ہے، نیب نے نواز شریف کو اختیارات کا ناجائز استعمال کرنے پر 21 اپریل کو طلب کرلیا۔

تفصیلات کے مطابق نیب کی جانب سے جاری کردہ مراسلے میں کہا گیا ہے کہ نواز شریف 21 اپریل کو صبح 11 بجے تین رکنی ٹیم کے سامنے پیش ہوں، نواز شریف نے بطور وزیر اعظم 1998 میں اختیارات کا ناجائز استعمال کیا۔

نیب مراسلے میں کہا گیا ہے کہ نواز شریف نے جاتی امرا تک سڑک تعمیر کرائی، سابق وزیر اعظم کے حکم پر سڑک کی چوڑائی 20 سے 24 فٹ کی جس سے لاگت بڑھی۔

نیب لاہور کے مطابق سابق وزیر اعظم پر بھائی کے ساتھ مل کر ذاتی فائدے کے لیے سڑک بنانے کا الزام ہے، نواز شریف کے حکم سے ضلع کونسل کے بہت سے عوامی منصوبے بند کرنے پڑے جس سے عوام کا نقصان ہوا۔

واضح رہے کہ نواز شریف، مریم نواز اور ان کے شوہر کیپٹن (ر) صفدر کے خلاف نیب ریفرنسز بھی اسلام آباد کی احتساب عدالت میں زیر سماعت ہیں۔

مزید پڑھیں: سپریم کورٹ نے نوازشریف اور جہانگیرترین کو تاحیات نا اہل قرار دے دیا


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں