The news is by your side.

Advertisement

صاف پانی کمپنی اسکینڈل: نیب نے شہباز شریف کو پانچ جولائی کو دوبارہ طلب کرلیا

اسلام آباد: صاف پانی کمپنی کیس میں نیب نے سابق وزیر اعلیٰ پنجاب شہباز شریف کو پانچ جولائی کو دوبارہ طلب کرلیا.

تفصیلات کے مطابق نیب لاہور میں مبینہ کرپشن کیسز میں طلبی کا سلسلہ جاری ہے، اب صاف پانی کمپنی اسکینڈل میں سابق وزیر اعلیٰ پنجاب کو طلب کیا گیا ہے.

کل ن لیگ کے باغی رہنما زعیم قادری کو بھی لاہور آفس میں طلب کیا گیا ہے

ساتھ ہی سابق حکومت پنجاب کے اس اسکینڈل کی تحقیقات کے لیے کل ن لیگ کے باغی رہنما زعیم قادری کو بھی لاہور آفس میں طلب کیا گیا ہے.

نیب حکام کی جانب سے تین جولائی فواد حسن فواد کو بھی آشیانہ اقبال کرپشن کی تحقیقات کے سلسلے میں پوچھ گچھ کے لیے بلایا ہے.

یاد رہے کہ آج چیئرمین نیب کی صدارت میں ہونے والے ایک اجلاس میں پرنسپل سیکریٹری فوادحسن فوادکا نام ای سی ایل میں ڈالنےکا فیصلہ کیا گیا ہے.

واضح رہے کہ آج ہی لاہور کی احتساب عدالت میں صاف پانی کمپنی کیس میں گرفتار قمر الاسلام اور وسیم اجمل کو پیش کیا گیا۔

سماعت کے بعد نیب عدالت نے صاف پانی کمپنی کیس میں ملزمان قمر الاسلام اور وسیم اجمل کو چودہ روزہ جسمانی ریمانڈ پر پولیس کے حوالے کر دیا۔


صاف پانی کمپنی کرپشن کیس، ن لیگی امیدوار قمرالاسلام اوروسیم اجمل 14 روزہ جسمانی ریمانڈ پر پولیس کے حوالے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں