The news is by your side.

Advertisement

نواز شریف کا نام اسٹاپ لسٹ میں شامل کرنے کیلئے نیب کا خط

اسلام آباد : نیب راولپنڈی نے نواز شریف کا نام اسٹاپ لسٹ میں شامل کرنے کیلئے ڈی جی ایف آئی اے کو خط ارسال کردیا ، ذرائع ایف آئی اے کا کہنا ہے کہ نیب کے خط پر مکمل عملدرآمد کرایا جائے گا۔

تفصیلات کے مطابق قومی احتساب بیورو نیب راولپنڈی نے سابق وزیراعظم نواز شریف کا نام اسٹاپ لسٹ میں شامل کرنے کیلئے خط لکھا، ، خط میں کہا گیا کہ نواز شریف کےاشتہاری ہونےکاریکارڈامیگریشن سسٹم میں شامل کیاجائے۔

ذرائع ایف آئی اے کا کہنا ہے کہ نیب راولپنڈی کا خط ڈی جی ایف آئی اے کو موصول ہوگیا ہے، خط پر مکمل عملدرآمد کرایا جائے گا۔

نیب راولپنڈی نے نواز شریف کے اشتہاری ہونے کا معاملے پر بھی لاہور پولیس کو خط ارسال کیا ، جس میں کہا گیا کہ نواز شریف کا اشتہار ہرتھانے میں تصویر کے ہمراہ چسپاں کیا جائے جبکہ رائے ونڈ محل کے باہر بھی اشتہار چسپاں کیا جائے۔

خط میں مزید کہا گیا کہ متعلقہ تھانے میں بھی وارنٹ کا سرکاری ریکارڈ میں اندراج کیا جائے۔

یاد رہے گذشتہ روز اسلام آبادہائی کورٹ نے نواز شریف کے اشتہارجاری کرنے کا حکم دیتے ہوئے کہا تھا کہ 30 دن کے اندر اگر ملزم پیش نہیں ہوتے تو اشتہاری قرار دیا جائے۔

عدالت کا کہنا تھا کہ اخبارمیں چھپنے کے بعد اشتہار کو مختلف مقامات پر چسپاں کیا جائے گا اور اشتہار اسلام آبادہائی کورٹ، نوازشریف کی لاہور اور لندن رہائشگاہ کے باہر چسپاں کیا جائے گا۔

Comments

یہ بھی پڑھیں