The news is by your side.

Advertisement

خوشحال پاکستان اسکیم : عدم ثبوت پر نواز شریف کیخلاف انکوائری بند کرنے کی منظوری

اسلام آباد : نیب نے خوشحال پاکستان پروگرام میں سابق وزیراعظم نوازشریف کے خلاف عدم ثبوت پر انکوائری بند کرنے کی منظوری دے دی جبکہ کیپٹن (ر) صفدر اور امیر مقام کےخلاف آمدنی سے زائد اثاثوں پر انکوائری کی جائے گی۔

تفصیلات کے مطابق قومی احتساب بیورو (نیب) کے چیئرمین جاوید اقبال کی زیر صدارت اجلاس میں مختلف شخصیات کیخلاف تحقیقات کی منظوری جب کہ کچھ تحقیقات بند کرنے کا بھی فیصلہ کیا گیا۔

اجلاس میں سابق وزیراعظم نوازشریف کے خلاف خوشحال پاکستان پروگرام میں عدم ثبوت کی بنیاد پرانکوائری بند کرنے کی منظوری دی گئی جبکہ کیپٹن (ر) صفدر اور امیر مقام کےخلاف آمدن سے زائد اثاثوں پرانکوائری کی منظوری دی گئی،اس کے علاوہچوہدری شجاعت اور چوہدری پرویز الٰہی اور چوہدری منظورالہٰی کے خلاف بھی عدم ثبوت کی بنا پر تحقیقات بند کرنے کا فیصلہ کیا گیا۔

اجلاس میں سابق صوبائی وزیراظہارحسین کھوسہ کےخلاف بدعنوانی ریفرنس دائر اور ضیاءالحسن لنجار کےخلاف انکوائری کی منظوری دی گئی، نیب ذرائع کے مطابق ضیاءالحسن لنجار پرآمدن سے زائد اثاثے بنانے12کروڑ سے زائد کی خورد برد کا الزام ہے۔

علاوہ ازیں اجلاس میں سابق سی پی او ملتان عامر ذوالفقارکے خلاف آمدنی سے زائد اثاثوں پرانکوائری اور سابق چیئرمین این آئی سی ایل ایازخان ودیگر کےخلاف تحقیقات کی منظوری دی گئی،14.2ارب کی خورد برد کے الزام پر پی ایس او کے افسران کے خلاف تفتیش کی منظوری جبکہ ،وائس چانسلر سندھ ایگریکلچرل یونیورسٹی ٹنڈوجام مجیب الدین میمن کے خلاف انکوائری کی منظوری دی گئی ہے۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں