site
stats
پاکستان

شریف خاندان کے خلاف ریفرنسز، چیئرمین نیب کا بلاامتیاز کارروائی کا حکم

اسلام آباد : چیئرمین نیب قمرزمان چوہدری نے شریف خاندان کے خلاف ریفنرنسز کے لیے بلا امتیاز کارروائی جاری رکھنے کی ہدایت کی ہے ساتھ ہی نیب نے صدر نیشنل بینک سعید احمد کی جائیداد کی تفصیلات بھی طلب کرلیں۔

تفصیلات کے مطابق چیئرمین نیب قمر زمان کی زیر صدارت ہونے والے اہم اجلاس میں شریف خاندان کے خلاف مقدمات کی تفتیش پر بریفنگ لی اور انکوائریز، ریفرنس کے قانونی پہلوؤں کا جائزہ لیا اور بلا امتیاز کارروائی سے متعلق اہم فیصلے کیے۔

ذرائع کے مطابق ڈی جی نیب لاہور اور ڈی جی نیب راولپنڈی نے چیئرمین نیب قمر زمان سے ملاقات کی اور جے آئی ٹی کے والیم 10 پر تبادلہ خیال کیا جس پر چیئرمین نیب نے شفاف تحقیقات اور بلاامتیاز کارروائی جاری رکھنے کی ہدایت کی۔


 مزید پڑھیں: جے آئی ٹی رپورٹ کی جلد 10 کھل گئی 


دوسری جانب نیب کی جانب سے مختلف بینکوں کو خط لکھ گئے ہیں جس میں صدر نیشنل بینک سعید احمد کی جائیداد کی تفصیلات طلب کی گئی ہیں۔

خط میں کہا گیا ہے کہ سعید احمد کے تمام اکاؤنٹس، لاکرز اور قرضے کی تفصیلات سے 25 اگست تک نیب کو فراہم کی جائیں۔

خیال رہے کہ عزیزیہ اسٹیل مل کی تحقیقات کے لیے نیب نے نواز شریف، حسن نواز، حسین نواز، اسحاق ڈار اور طارق شفیع کو آج شام 4 بجے طلب کیا تھا تاہم مقررہ وقت تک کوئی بھی پیش نہیں ہوسکا جس کے بعد نیب کی جانب سے ان حضرات کو پیشی کے لیے نئے نوٹسز جاری کیے جائیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top