The news is by your side.

Advertisement

چیئرمین نیب کی آف شور کمپنیوں کے خلاف تحقیقات مکمل کرنے کی ہدایت

اسلام آباد: چیئرمین نیب جسٹس ریٹائرڈ جاوید اقبال نے آف شور کمپنیوں کے خلاف انکوائری منطقی انجام تک پہنچانے کی ہدایت کی ہے۔

تفصیلات کے مطابق چیئرمین نیب جسٹس ریٹائرڈ جاوید اقبال کی زیر صدارت نیب حکام کا اجلاس منعقد ہوا۔

اجلاس میں پاکستانیوں کی 435 آف شور کمپنیوں کی ابتدائی رپورٹ کا جائزہ لیا گیا۔ مذکورہ آف شور کمپنیاں پاناما اور برٹش ورجن آئی لینڈ میں قائم ہیں۔

چیئرمین نیب کا کہنا تھا کہ سابق چیئرمین ایف بی آر کی 6 کمپنیاں بھی رپورٹ میں شامل ہیں۔ منی لانڈرنگ کے پہلو سے بھی تحقیقات کی جائیں۔

انہوں نے ہدایت کی کہ ایف بی آر، ایس ای سی پی اور اسٹیٹ بینک سے ریکارڈ لیا جائے اور ریکارڈ کی فراہمی کو مزید تیز کیا جائے۔

چیئرمین نیب کا کہنا تھا کہ شواہد اور قانون کے مطابق انکوائری کو منطقی انجام تک پہنچائیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں