The news is by your side.

Advertisement

"مونس الہٰی کی گرفتاری کا سوال ہی پیدا نہیں ہوتا”

اسلام آباد: قومی احتساب بیورو نے وفاقی وزیر مونس الہٰی کی گرفتاری کی خبروں کی سختی سے تردید کردی ہے۔

ترجمان نیب کی جانب سے جاری بیان کے مطابق مونس الٰہی کیخلاف اسوقت نیب میں کوئی انکوائری زیر التوا نہیں ہے اور انہیں گرفتار کرنے سوال ہی پیدا نہیں ہوتا۔

ترجمان نیب نے کہا کہ وفاقی وزیر کی گرفتاری سے متعلق تمام قیاس آرائیاں بے بنیاد ہیں۔

نیب نے واضح کیا کہ نیب کا تعلق کسی سیاسی جماعت، گروہ اور فرد سے نہیں بلکہ ریاست پاکستان سے ہے، نیب کے کسی اہلکار کا تحریک عدم اعتماد سے کوئی تعلق تھا اور نہ ہوگا۔

نیب نے اس بات کی بھی سختی سے تردید کرتے ہوئے کہا تھا کہ ادارے کا تحریک عدم اعتماد سے کسی قسم کا کوئی تعلق نہیں، ادارہ ہمیشہ آئین اور قانون کے مطابق اپنے فرائض سر انجام دینے پر سختی سے یقین رکھتا ہے۔

ادھر مسلم لیگ (ق) کے مرکزی دفتر کے باہر کارکنوں نے چوہدری پرویز الہٰی کے لیے وزیراعلیٰ کے بینرز آویزاں کردئیے، ق لیگ کے سپورٹرز نے اہم شاہراہوں پر بھی پرویز الہٰی کے حق میں پینا فلیکس لگائے ہیں، جن پر آویزاں پینا فلیکس پر ‘وزیراعلیٰ پنجاب ضروری ہے چوہدری پرویز الہٰی’ کے الفاظ درج ہیں۔

Comments

یہ بھی پڑھیں