احتساب عدالت نے بابر غوری کی گرفتار کا حکم دے دیا، ریفرنس دائر -
The news is by your side.

Advertisement

احتساب عدالت نے بابر غوری کی گرفتار کا حکم دے دیا، ریفرنس دائر

کراچی: سابق وفاقی وزیر بابر غوری و دیگر کے خلاف 3 ارب وپے سے زائد کی کرپشن کے الزام کے تحت نیب کی جانب سے دائر کیا گیا ریفرنس احتساب عدالت نے سماعت کے لیے منظور کر لیا۔

تفصیلات کے مطابق بابر غوری اور دیگر ملزمان پر پونے 3 ارب روپے سے زائد کی کرپشن کا الزام ہے، قومی احتساب بیورو (نیب) کی جانب سے ریفرنس احتساب عدالت نے سماعت کے لیے منظور کر لیا۔

احتساب عدالت نے ایم کیو ایم کے رہنما بابر غوری کے ناقابلِ ضمانت وارنٹ گرفتاری بھی جاری کر دیے ہیں، ریفرنس میں بابر غوری سمیت 8 ملزمان کو نامزد کیا گیا ہے۔

ملزمان پر 2012 میں کراچی پورٹ ٹرسٹ (کے پی ٹی) میں 940 غیر قانونی بھرتیوں کا الزام ہے، جس سے قومی خزانے کو 2 ارب 88 کروڑ 55 لاکھ کا نقصان پہنچا۔


یہ بھی پڑھیں:  ہمارے پاس کرپشن اور شارٹ کٹ کا کوئی راستہ نہیں، فیصل واوڈا


ریفرنس میں مذکور دیگر ملزمان میں رؤف اختر فاروقی، ایم کیوایم کے رکن اسمبلی جاوید حنیف بھی شامل ہیں۔ خیال رہے کہ بابر غوری وفاقی وزیر برائے پورٹ اینڈ شپنگ تھے، ان دنوں وہ بیرون ملک مقیم ہیں۔

واضح رہے کہ اس سے قبل بھی نیب کی جانب سے سابق وفاقی وزیر بابر خان غوری کے خلاف غیر قانونی بھرتیوں پر تحقیقات شروع کی گئی تھیں، اس وقت ان پر تین ہزار ملازمین غیر قانونی طور پر بھرتی کرانے کا الزام تھا۔

Comments

comments

یہ بھی پڑھیں