site
stats
پاکستان

سندھ میں نیب کے اختیارات ختم کرنے کی تیاریاں مکمل

کراچی : صوبہ سندھ کے معاملات سے نیب کو دور رکھنے کی تیاریاں مکمل کرلی ہے، جس کے لئے سندھ کابینہ نے نیب اختیارات کے خاتمے کا ایکٹ منظور کرلیا ہے۔

تفصیلات کے مطابق  سندھ کابینہ نے صوبے میں نیب اختیارات ختم کرنے کا بل منظور کرلیا ہے ، پیر کو صوبائی اسمبلی کے ہنگامی اجلاس میں بل منظوری کیلئے پیش کیا جائے گا، اگر ایکٹ منظور ہوا تو صوبائی اداروں سے متعلق نیب تحقیقات محکمہ انسداد بدعنوانی سندھ کو منتقل ہوجائیں گے۔

نئے قانونی مسودے کے مطابق صوبائی محکمہ جات سے متعلقہ بدعنوانی پر کارروائی صرف صوبے کا اختیار ہے، انسداد بدعنوانی کے خلاف وفاق کی کارروائی آئین کی خلاف ورزی ہے۔

قانون میں کہا گیا ہے کہ  انسداد بدعنوانی کے قوانین میں ترامیم کا اختیار صوبائی اسمبلی کو ہے، صوبہ سندھ کے عوام پر دو متوازی قوانین نہیں تھوپے جاسکتے،  صوبائی اسمبلی کو مرکز کے لاگو کردہ قوانین کالعدم کرنے کا بھی اختیار حاصل ہے۔

مسودے کے مطابق صوبائی محکموں سے متعلق تحقیقات محکمہ انسداد بدعنوانی سندھ کو منتقل ہونگی، نیب عدالتوں میں زیرالتوا مقدمات بھی صوبائی عدالتوں کو منتقل ہوجائیں گے جبکہ عدالتوں میں زیر التوا مقدمات میں پیش ہونے والے گواہان کو دوبارہ طلب نہیں کیا جائیگا۔

مسودے میں کہا گیا ہے کہ نیب عدالتوں کے فیصلوں کے خلاف زیر التوا اپیلوں، نظرثانی اور ضمانتوں کی درخواستیں متعلقہ صوبائی قوانین کے مطابق نمٹائی جائیں گی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top