نیب سندھ کا محکمہ اطلاعات حکومت سندھ کے دفتر پر چھاپہ -
The news is by your side.

Advertisement

نیب سندھ کا محکمہ اطلاعات حکومت سندھ کے دفتر پر چھاپہ

 کراچی: نیب سندھ کا محکمہ اطلاعات حکومت سندھ کے دفتر پر چھاپہ، سابق سیکریٹری اطلاعات ذوالفقار شہلوانی اور ڈائریکٹر منصور راجپوت کے خلاف ثبوت اور دستاویزات حاصل کیے۔

 ذرائع کے مطابق اسسٹنٹ ڈائریکٹر نیب ذوالفقار شاہ سندھ سیکریٹریٹ میں محکمہ اطلاعات کے دفتر پہنچے جہاں انہوں نے متعلقہ افسران سے ریکارڈ طلب کیا۔

 نیب ذرائع کے مطابق محکمہ اطلاعات حکومت سندھ کی تین مختلف انکوائریاں نیب کے پاس ہیں، جس میں ٹی وی چینلز، اخبارات اور دیگر نشریاتی اداروں کے بجٹ میں غبن کیا گیا ہے اور یہ پیسے مارکیٹنگ کمپنی کے ذریعے اپنے اکاؤنٹس میں منتقل کیے گئے ۔

 نیب ذرائع کے مطابق انوائرمنٹ کے حوالے سے ایک کمپیئن کے لئے 174 ملین روپے مختص کیے گئے یہ اشتہارات ٹی وی چینلز اور اخبارات کو نہیں دیے گئے ، ایک مارکیٹنگ کمپنی کے ذریعے یہ رقم ہڑپ کرلی گئی۔

 ایسی مختلف تین کمپلین نیب کے پاس ہیں جن کی تحقیقات کی جارہی ہے اور اس وقت کے سیکریٹری ذوالفقار شہلوانی سمیت دیگر افسران کے خلاف تحقیقات آخری مراحل میں ہیں اور جلد گرفتاری متوقع ہے ۔

Comments

comments

یہ بھی پڑھیں