The news is by your side.

Advertisement

وزیر اعلیٰ سندھ کے مشیر کے بعد نیب ٹیم کا عبدالرزاق بہرانی کے گھر پر چھاپہ

کراچی: قومی احتساب بیورو (نیب) کی ٹیم نے وزیر اعلیٰ سندھ کے مشیر کے بعد ایک اور شخص عبدالرزاق بہرانی کے گھر پر بھی چھاپہ مارا ہے۔

تفصیلات کے مطابق نیب ٹیم نے گزشتہ رات خیابان سحر میں مشہور ٹھیکے دار عبدالرزاق بہرانی کے گھر پر چھاپہ مارا، ذرائع کا کہنا ہے کہ نیب ٹیم نے گھر کی تلاشی لی اور مختلف دستاویزات چیک کیں۔

نیب ذرائع کے مطابق ٹیم نے گھر سے اہم ریکارڈ بھی تحویل میں لے لیا ہے، عبدالرزاق کے گھر پر چھاپہ اعجاز جاکھرانی کے گھر سے اہم ریکارڈ ملنے پر مارا گیا ہے۔

بتایا گیا کہ چھاپے کے دوران نیب ٹیم نے عبدالرزاق بہرانی کے ملازمین سے ڈیڑھ گھنٹے پوچھ گچھ کی۔

یہ بھی پڑھیں:  اعجاز جاکھرانی کے گھر نیب کا چھاپہ، اہم فائلیں تحویل میں لے لیں

یاد رہے کہ منگل کے روز سکھر اور کراچی کی مشترکہ نیب ٹیم نے وزیر اعلیٰ سندھ کے مشیر اعجاز حسین جاکھرانی کے گھر پر چھاپہ مار کر مختلف فائلیں تحویل میں لے لی تھیں۔

اعجاز جاکھرانی کے گھر پر چھاپہ ان کے گرفتار کزن عباس جاکھرانی کی نشاندہی پر مارا گیا تھا، اس حوالے سے ذرائع کا کہنا تھا کہ نیب کی 5 رکنی ٹیم نے گھر کی تلاشی لی اور اس دوران مختلف فائلیں تحویل میں لی گئیں۔

چھاپے کے دوران جیکب آباد کے بلدیاتی اداروں سے متعلق اہم ریکارڈ تحویل میں لیا گیا تھا، نیب ٹیم نے اعجاز جاکھرانی کے اہل خانہ سے بھی پوچھ گچھ کی اور لاکرز سے متعلق سوالات کیے تھے۔

Comments

comments

یہ بھی پڑھیں