لاہور:نیب نے اپوزیشن لیڈر پنجاب اسمبلی حمزہ شہباز کی گرفتاری کیلئے ماڈل ٹاؤن 96ایچ رہائش گاہ پر چھاپہ مارا ،مزاحمت کے پیش نظرحمزہ شہبازکی گرفتاری نہیں ہوسکی اور ٹیم حمزہ شہباز شریف کی رہائش گاہ سےواپس روانہ ہوگئی۔
تفصیلات کے مطابق اپوزیشن لیڈر پنجاب اسمبلی حمزہ شہباز کی گرفتاری کے لیے نیب نے چھاپہ مارا ، چھاپہ آمدن سےزائداثاثہ جات کیس میں تفصیلات کیلئے ماراگیا، حمزہ شہباز ماڈل ٹاؤن 96ایچ کی رہائش گاہ پر موجود تھے۔
ذرائع کا کہنا ہے نیب کی ٹیم8 سے 10 افراد پر مشتمل تھی اور حمزہ شہباز سے مختلف دستاویزات طلب کی گئی ہیں۔
ذرائع کے مطابق نیب حکام کوحمزہ شہبازکی گرفتاری نہیں دی جارہی اور ٹیم کو حمزہ شہبازکی گرفتاری میں مزاحمت کاسامنا ہے، لیگی کارکنان نےگھر کے باہر موجود نیب اہلکار کے کپڑے پھاڑ دیئے تھے۔
حمزہ شہباز کی گرفتاری میں مزاحمت، نیب اہلکار کے کپڑے پھاڑدیے
نیب کی 3گاڑیاں 12 بجے کے قریب ماڈل ٹاؤن پہنچی تھیں اور گھرکےاندرموجود ہیں ، ن لیگی رہنماؤں کی بڑی تعدادشہبازشریف کی رہائش گاہ پہنچ گئی ، مسلم لیگ ن کےرہنما اور کارکنان نےگھر کے دروازے پر دھرنادے دیا ہے جبکہ پولیس کی مزیدنفری بھی ماڈل ٹاؤن 96ایچ رہائش گاہ پہنچ گئی ہیں۔
خیال رہے نیب نےآمدن سےزائداثاثہ جات کیس میں حمزہ شہبازکوطلب کیاتھا اور دستاویزات مانگی تھی تاہم حمزہ شہباز نے تعاون نہیں کیا۔
نیب ٹیم کےپاس حمزہ شہبازکی گرفتاری کاوارنٹ موجودہے، نیب حکام
نیب حکام کا کہنا ہے نیب کوکوئی مطلوب ہےتوبغیراطلاع گرفتارکرسکتی ہے، چیئرمین نیب نےحمزہ شہبازکے وارنٹ گرفتاری جاری کیےہیں، نیب ٹیم کو گھر میں داخل نہیں ہونےدیاجارہا ہے، نیب ٹیم کےپاس حمزہ شہبازکی گرفتاری کاوارنٹ موجودہے۔
حکام کے مطابق نیب ٹیم غیرقانونی طورپرنہیں گئی، ملزم حمزہ شہبازکی گرفتاری نہیں دی جارہی، رہائش گاہ پہنچنےوالی نیب ٹیم کوگھرسےدھمکیاں دی جارہی ہیں۔
نیب حکام کا کہنا ہے حمزہ شہباز،شہبازشریف اندرموجودہیں،وارنٹ دکھادیےگئےہیں، آمدن سےزائداثاثہ جات کیس میں گرفتاری کیلئےآئےہیں، نیب ٹیم حمزہ شہبازکی رہائشگاہ کےاحاطےمیں موجودہے، ٹیم کواندرجانےنہیں دیاجارہا،مزاحمت کی جارہی ہے۔
حمزہ شہبازکی گرفتاری نہیں ہوسکی
حکام نے کہا تمام صورتحال سےحکام کوآگاہ رکھاجارہاہے، چیئرمین نیب کوڈی جی نیب لاہور نےصورتحال سےآگاہ کردیا ہے۔
نیب کی ٹیم شہبازشریف کی رہائش گاہ سےواپس روانہ ہوگئی، نیب حکام کا کہنا ہے حمزہ شہبازکی گرفتاری نہیں ہوسکی، ڈی جی نیب نےصورتحال سے چیئرمین نیب کوآگاہ کردیا ہے ، مزاحمت کے پیش نظر حمزہ شہبازکی گرفتاری نہیں ہوسکی۔
نیب کے8سے10کےقریب لوگ بغیروارنٹ گھرمیں گھسے، رہنما ملک احمدخان
رہنمامسلم لیگ ن ملک احمدخان نے اے آر وائی نیوز سے گفتگو میں کہا نیب کے8سے10کےقریب لوگ بغیروارنٹ گھرمیں گھسے، یہ کیساطریقہ کا رہے کیاکسی دہشت گردکےگھرپرچھاپہ ماراگیا، نیب اپنی تحقیقات کرے لیکن چادراورچاردیواری کاخیال رکھے۔
ملک احمدخان کا کہنا ہےنیب نےکسی سرچ وارنٹ کےبغیرگھرکی تلاشی لیناشروع کردی، نیب اہلکار ابھی بھی گھرمیں موجودہیں۔
کوئی شواہدسامنےنہیں رکھےگئےاورگھرپرچھاپہ ماراگیا، مریم اورنگزیب
مریم اورنگزیب نے گفتگو میں کہا نیب ٹیم دہشت گردوں کی طرح گھرمیں گھسی ہے،نیب ٹیم کےپاس کوئی وارنٹ نہیں،بغیراطلاع چھاپہ ماراگیا، گرفتاری کے وارنٹ سےمتعلق ہمیں اطلاع نہیں دی گئی، کس بنیادپرگرفتاری کےوارنٹ جاری کیےگئے، کوئی شواہدسامنےنہیں رکھےگئےاورگھرپرچھاپہ ماراگیا۔
بغیراطلاع نیب گرفتاری کرسکتی ہے،سابق پراسیکیوٹرنیب راجہ عامرعباس
سابق پراسیکیوٹرنیب راجہ عامرعباس نے بھی اے آئی وائی نیوز سے گفتگو میں کہا بغیراطلاع نیب گرفتاری کرسکتی ہے، سپریم کورٹ نےبھی حالیہ ایک حکم میں اس کاذکرکیاہے، جس کی گرفتاری ہےاسےہی وارنٹ دکھائےجاتےہیں، گرفتارشخص بعدمیں عدالت سےضمانت لےسکتاہے، گرفتاری نہیں دی جارہی تویہ لااینڈآرڈرکی صورتحال ہے۔
واضح رہے قومی اسمبلی میں اپوزیشن لیڈر شہباز شریف کے دونوں بیٹوں حمزہ شہباز اور سلمان شہباز پر سرکاری خزانے کے غیر قانونی استعمال کا الزام ہے، یب نے غیر قانونی اثاثوں اور رمضان شوگر ملز کیس میں شہباز شریف کے ساتھ حمزہ شہباز کو بھی مرکزی ملزم نامزد کیاتھا، ملزمان پر مبینہ طور پر21کروڑ روپے کی کرپشن کی تحقیقات جاری تھیں۔
مارچ 27 کو احتساب عدالت نے رمضان شوگرملزکیس میں نامزد شہباز شریف اورحمزہ شہبازپر فرد جرم عائد کرنے کی تاریخ میں توسیع کردی تھی۔
