مظفرآباد: آزاد کشمیر کے سابق صدر کی رہائش گاہ پرچھاپے کے دوران قومی احتساب بیورو کی ٹیم پرحملے میں ڈپٹی ڈائریکٹر زخمی ہوگئے۔
تفصیلات کے مطابق قومی احتساب بیورو کی ٹیم نے آج بروزبدھ میرپورمیں ایک بارپھرسابق صدر راجہ ذوالقرنین کی رہائش گاہ پرچھاپہ مارا۔
ذرائع کے مطابق چھاپے کے دوران راجہ ذوالقرنین کے ذاتی محافظوں اورملازموں نے نیب کی ٹیم پرحملہ کردیا جس کے نتیجے میں نیب کے ڈپٹی ڈائریکٹراصغرعلی زخمی ہوگئے ہیں۔
واضح رہے کہ گزشتہ دنوں نیب نے اسلام آباد ہائی کورٹ سے راجہ ذوالقرنین کے بیٹے راجہ بابرکورینٹل پاور پلانٹ کیس میں 128 ارب روپے کی کرپشن کے الزام میں گرفتارکیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں