The news is by your side.

Advertisement

کیا نیب فواد چوہدری کے خلاف کارروائی کرنے والی ہے؟

اسلام آباد: چیئرمین نیب جسٹس (ر) جاوید اقبال نے وزیر اطلاعات فواد چوہدری کے بیان کا نوٹس لے لیا.

تفصیلات کے مطابق فواد چوہدری کے پی ٹی آئی رہنما علیم خان پرنیب سے متعلق بیان پر ادارے کی جانب سے ردعمل سامنے آیا ہے.

نیب اعلامیہ کے مطابق فواد چوہدری کے نیب سے متعلق ماضی اور حالیہ بیانات کاجائزہ لیا جائے گا. یہ جائزہ بھی لیا جائے گا کہ فواد چوہدری کے بیانات نیب پر اثرانداز کی کوشش تو نہیں.

اعلامیہ کے مطابق بیانات کے جائزے کے بعد ضرورت پڑی تو کارروائی کی جاسکتی ہے، نیب انسداد بدعنوانی اور ملک سے لوٹے گئے پیسوں کی واپسی کا ادارہ ہے.

مزید پڑھیں: فاٹا نے دہشت گردی کے باعث نقصان اٹھایا ہے: فواد چوہدری

اعلامیہ میں کہا گیا کہ نیب کا تعلق کسی سیاسی جماعت، گروہ یا فرد سے نہیں، نیب نےاپنےعمل سے ثابت بھی کیا کہ کسی سے کوئی تعلق نہیں.

نیب کے اعلامیہ کے مطابق نیب کی پہلی اور آخری وابستگی صرف اور صرف پاکستان سے ہے، نیب نے ہمیشہ آئین اور قانون کے مطابق فرائض انجام دینے کو ترجیح دی.

یاد رہے کہ آج صبح فواد چوہدری نے کہا تھا کہ علیم خان کا مقدمہ کم سنگین ہے، اگر اربوں روپے کھانے والے ملزموں کو اتنی آسانی سے ضمانت مل سکتی ہے تو ایک کاروباری آدمی کو جس پر سرکاری خزانے کو نقصان پہنچانے کا کوئ الزام نہیں ضمانت دی جانی چاہیے۔

Comments

comments

یہ بھی پڑھیں